គ្មានស្ត្រីរូបណាចង់ឃើញកូនរបស់ខ្លួនឯងកើតមកល្ងង់នោះទេ ហេតុនេះហើយទើបពួកគេខំប្រឹងទទួលទានអាហារគ្រប់បែបយ៉ាង ឲ្យតែឮគេថា អាចជាជួយឲ្យកូនមានភាពឆ្លាត។
តើអាហារអ្វីដែលអាចជួយឲ្យទារកក្នុងផ្ទៃមានភាពឆ្លាតវៃ?
បើសិនជាអ្នកចង់ឲ្យកូនកើតមកមានភាពឆ្លាតវៃ គួរតែព្យាយាមទទួលទានអាហាណាដែលជំរុញលូតលាស់ខួរក្បាល អំឡុងពេលមានផ្ទៃពោះ ហើយអាហារនោះត្រូវតែមានផ្ទុកសារធាតុអីយ៉ូតច្រើន។ ព្រោះសារធាតុអីយ៉ូត ជាអ្នកជួយបណ្តុះកោសិកាខួរក្បាលឲ្យមានការលូតលាស់បានល្អ តាំងពីពេលខួរក្បាលរបស់ទារកចាប់ផ្តើមលេចជារូបរាង។
ដូច្នេះអាហារដែលស្ត្រីមានផ្ទៃពោះគួរតែជ្រើសរើស គឺសារ៉ាយសមុស្ស ដោយសារតែវាមានផ្ទុកសារធាតុអីយ៉ូត ច្រើន ធ្វើឲ្យកូនមានភាពឆ្លាតវៃ ហើយវាក៏មានតួនាទីជួយបង្កើនប្រព័ន្ធភាពស៊ាំឲ្យកាន់តែរឹងមាំផងដែរ៕
