ការគេងមិនលក់ គឺជាបញ្ហាមួយដែលស្ត្រីតាំងគភ៌ភាគច្រើនជួបប្រទះ ហើយប្រសិនបើបញ្ហានេះកើតឡើងយូរពេកអាចប៉ះពាល់ដល់សុខភាពទាំងម្តាយ និងកូនក្នុងផ្ទៃ។ ដូច្នេះស្ត្រីតាំងគភ៌ទាំងឡាយគួរតែស្វែងយល់ពីតិចនិចមួយចំនួន ដើម្បីឲ្យគេងលក់ស្រួល។
១.គេងផ្អៀង
កុំគេងផ្ងារឲ្យសោះ ព្រោះទម្ងន់ទារកនឹងដាក់សម្ពាធទៅលើលំហូរឈាម ដែលត្រូវបញ្ចូនទៅកាន់បេះដូង។ ប៉ុន្តែដើម្បីសម្រាលសម្ពាធនេះ ស្ត្រីគួរតែគេងផ្អៀងទៅឆ្វេង ឬទៅស្តាំ ហើយដាក់ខ្នើយទន់ៗនៅចន្លោះជើង ដើម្បីឲ្យឆ្អឹងជើង និងឆ្អឹងខ្នងរត់ត្រង់ល្អ។
២.ងូតទឹកក្តៅឧណ្ឌ
នៅពេលតាំងគភ៌ រាងកាយត្រូវការពេលវេលាយ៉ាងតិច ៣០នាទីមុនឹងគេងលក់។ ហេតុនេះ ដើម្បីគេលក់ស្រួល ស្ត្រីទាំងឡាយគួរតែទម្លាប់ងូតទឹកក្តៅឧណ្ឌៗជារៀងរាល់ពេលល្ងាច។
៣.កុំញ៉ាំអាហារពេលល្ងាចច្រើនពេក
អ្នកត្រូវញ៉ាំអាហារមុនពេលចូលគេងយ៉ាងហោចណាស់ ២ម៉ោង ហើយកុំញ៉ាំច្រើនពេក ព្រោះវាអាចបណ្តោលឲ្យចាល់ជាតិអាស៊ីតក្នុងក្រពះ ឬមានអាហារក្រហាយទ្រូងកើតឡើង។
៤.បន្ថយការផឹកភេសជ្ជៈមុនពេលគេង៣ម៉ោង
នៅត្រីមាសដំបូង ស្បូនរបស់ស្ត្រីនឹងចាប់ផ្តើមពង្រីកខ្លួនបន្តិចម្តងៗ ដើម្បីរៀបចំកន្លែងសម្រាប់ទារកលូតលាស់ ហើយប្លោកនោមក៏មានសម្ពាធញឹកញាប់ដែរ។ ដូច្នេះ បើស្ត្រីញ៉ាំភេសជ្ជៈនៅបេលយប់ច្រើនផងនោះ ការគេងច្បាស់ជាមិនបានលក់ស្រួលឡើង ព្រោះត្រូវក្រោកនោមញឹក។
នេះជាការដំបូលន្មានរបស់អ្នកជំនាញ ដូច្នេះស្ត្រីតាំងគភ៌ទាំងឡាយគួរតែអនុវត្តឲ្យបាន ដើម្បីរក្សាសុខភាពឲ្យកាន់តែប្រសើរឡើងទាំងម្តាយ និងកូន៕
