ជាការពិតណាស់នៅពេលមានផ្ទៃពោះ ស្ត្រីគ្រប់រូបតែងតែឡើងទម្ងន់ជារឿងធម្មតា គ្រាន់តែអ្នកខ្លះឡើងច្រើន ហើយអ្នកខ្លះទៀតឡើងតិចប៉ុណ្ណោះ។ ក៏ប៉ុន្តែការគ្រប់គ្រងទម្ងន់មិនបានល្អ អាចធ្វើឲ្យប៉ះពាល់ដល់សុខភាពទារក និងបណ្តោលឲ្យកូនកើតមិនគ្រប់ខែ។
ដូចគ្នានេះផងដែរ ការឡើងទម្ងន់ហួសប្រមាណ អាចបង្កឲ្យមានគ្រោះថ្នាក់ចំពោះអ្នកម្តាយ និងទារក ដោយសារតែពិបាកក្នុងការបង្កើតកូន ឬប្រឈមនឹងការវះកាត់។ ហេតុនេះដើម្បីរក្សាទម្ងន់ពេលមានផ្ទៃពោះឲ្យមានស្ថិរភាព អ្នកគួរអនុវត្តគន្លឹះមួយចំនួននេះ៖
១.ដឹងពីសន្ទស្សន៍ម៉ាស់រាងកាយរបស់ខ្លួន
ជាទូទៅទម្ងន់ដែលស្ត្រីមានផ្ទៃពោះគួរឡើងគឺចាប់ពី១១,៥ ទៅ១៦គីឡូក្រាមលើសសមាមាត្រនៃទម្ងន់រាងកាយធម្មតា ហើយទម្ងន់ដែលខ្ពស់បំផុតចាប់ពី ១២,៥ទៅ ១៨គីឡូក្រាម។ ដូច្នេះជំហ៊ានដំបូង ស្ត្រីមានផ្ទៃពោះត្រូវដឹងសន្ទស្សន៍ម៉ាស់រាងកាយរបស់ខ្លួនឯងជាមុនសិន។
២.ញ៉ាំអាហារមានផាសុខភាព
ការញ៉ាំអាហារមានផាសុខភាព គឺជារឿងដ៏សំខាន់បំផុត ព្រោះអ្នកកំពុងតែផ្តល់អាហារបំប៉នសម្រាប់ខ្លួនឯង និងកូនក្នុងផ្ទៃផងដែរ។
៣.រៀនគ្រប់គ្រងចំណង់អាហារ
ការគ្រប់គ្រងចំណង់អាហារ វាអាចជារឿងពិបាកសម្រាប់ស្ត្រីមានផ្ទៃពោះជាច្រើននៅពិភពលោក ក៏ប៉ុន្តែប្រសិនបើអ្នកអាចធ្វើបាន វាអាចជួយឲ្យអ្នកជៀសផុតពីបញ្ហាឡើងទម្ងន់ជ្រុល ហើយមានសុខភាពល្អថែមទៀត។
៤.រក្សាភាពសកម្ម
ការហាត់ប្រាណក្នុងពេលមានផ្ទៃពោះ គឺជាគន្លឹះក្នុងការគ្រប់គ្រងការឡើងទម្ងន់ឲ្យមានភាពសមស្រប។ ស្ត្រីមានផ្ទៃពោះអាចធ្វើសកម្មភាព ដើរ ហែលទឹក ឬហាត់យូហ្គា យ៉ាងតិចកន្លះម៉ោងក្នុងមួយថ្ងៃ៕
