អាហារ៤ប្រភេទ ស្ត្រី​រលូត​កូន​គួរតែ​បរិភោគ​ឲ្យ​បាន​ច្រើន

0

គ្មាន​នរណាម្នាក់​ចង់​ឲ្យ​ជួប​បញ្ហា​ដ៏​អាក្រក់​មួយ​នេះ​នោះទេ ក៏ប៉ុន្តែ​ប្រសិន​វា​កើត​ឡើងទៅ​ហើយក៏​មិនដឹង​ធ្វើ​យ៉ាងម៉េច​ដែរ មាន​ខំ​ថែរក្សា​សុខភាព​ហើយ​ចាំ​យក​កូន​មួយទៀត​តែប៉ុណ្ណោះ។

 

 

 

នៅក្នុងពេល​រលូត​កូន​អ្នក​ម្តាយ​ច្បាស់​ជា​បាត់បង់​ឈាម​ច្រើន ហើយ​សុខភាព​ក៏​ទន់ខ្សោយ​ដូច​អ្នក​ដែល​ទើបនឹង​សម្រាលកូន​ដែរ។ ហេតុនេះ ដើម្បី​ជួយ​ជំរុញ​ឲ្យ​រាងកាយ​ឆាប់​មាន​កម្លាំងកំហែង​ឡើងវិញ អ្នក​គួរតែ​ព្យាយាម​ទទួលទាន​អាហារ ៤ប្រភេទ។

 

ទឹកដោះគោ

អាហារ​ដែលមាន​សុខ​ភាពល្អ​សម្រាប់​អ្នក​ដែល​ទើបនឹង​រលូត​កូន គឺ​ទឹកដោះគោ ព្រោះ​វា​សម្បូរ​ទៅដោយ​ប្រូតេអ៊ីន និង​សារធាតុ​រ៉ែសំខាន់ៗជាច្រើន ដែល​អាចជួយ​ស្តារ​រាងកាយ​ឲ្យ​ឆាប់​ត្រលប់មក​ដូច​ភាព​ដើម​វិញ។

រមៀត

អ្នក​គួរតែ​បន្ថែម​គ្រឿងទេស​នេះ ទៅក្នុង​របប​អាហារ​រាល់ថ្ងៃ ព្រោះ​វា​មាន​សមត្ថភាព​ប្រឆាំងនឹង​ការ​រលាក កាត់បន្ថយ​ការឈឺចាប់ និង​អាការ​ហើម​ផងដែរ។

 

 

មើម​ខ្ញី

ខ្ញី ត្រូវបាន​គេ​ចាត់ទុកជា​ថ្នាំ​ប៉ូវ​មួយ​ប្រភេទ​ទៀត ដែល​អាចជួយ​ឲ្យ​រាងកាយ​ស្ត្រី​ឆាប់​ជាសះស្បើយ​ឡើងវិញ​ក្រោយពេល​រលូត​កូន។ ជាពិសេស​វា​មានគុណ​សម្បត្តិ​ព្រឹង​ប្រព័ន្ធ​ភាពស៊ាំ និង​ការពារ​ការឆ្លង​មេរោគ​មួយចំនួន។

ផ្លែ​ប៊ឺ​រ

ផ្លែ​ប៊ឺ​រ សម្បូរ​ទៅដោយ​ខ្លាញ់​អូ​មេ​ហ្គា-៣ ដែលមាន​សមត្ថភាព​ជួយ​បង្កើត​កោសិកា​ឈាមក្រហម និង​ជាលិកា​ខ្លាញ់ ដែល​បាន​បាត់បង់​បន្ទាប់ពី​រលូត យ៉ាង​ឆាប់រហ័ស៕

 

 

រលូត​កូន​ហើយ ពេលណា​ទើប​អាចយ​កកូន​បាន​មួយទៀត?

ការ​រលូត​កូន គឺជា​រឿង​ដ៏​គួរ​ឲ្យ​សោកស្តាយ​ខ្លាំង​បំផុត​សម្រាប់​គូស្នេហ៍​គ្រប់រូប ព្រោះ​ពួកគេ​បាន​បាត់បង់​មនុស្ស​ជាទី​ស្រឡាញ់​ដែល​នឹងត្រូវ​ចាប់កំណើត​ក្នុង​ថ្ងៃ​ខាងមុខនេះ។

មាន​សំណួរ​ជាច្រើន​បាន​ចោទ​សួរថា តើ​ក្រោយពេល​រលូត​កូន​ហើយ ពេលណា​អាចយ​កកូន​បាន​មួយទៀត? បើតាម​អ្នកជំនាញ​បាន​បង្ហាញថា ក្រោយពេល​រលូត​កូន​ម្តង​ហើយ អ្នក​ត្រូវ​រងចាំ​ឲ្យ​រដូវ​វិល​មកវិញ​យ៉ាងហោចណាស់​ម្តង​ដែរ ដើម្បី​ឲ្យ​រាងកាយ​ជាសះស្បើយ និង​ត្រឡប់មក​ប្រក្រតី​ដូចដើម​វិញ។

 

 

ការ​មក​រដូវ​របស់​ស្ត្រី​ដែល​ធ្លាប់​រលូត​កូន​ម្តង​ហើយ នឹង​វិល​មកវិញ​ក្នុង​រយៈពេល ៤ ទៅ ៥សប្តាហ៍​បន្ទាប់ពី​ការ​រលូត ហើយ​អ្នក​អាចមាន​ផ្ទៃពោះ​បានភ្លាមៗក្នុងអំឡុងពេល​មករ​ដូ​វ​ដំបូង​នេះ។

នេះ​គឺជា​ការអះអាង​របស់​វេជ្ជបណ្ឌិត​ជំនាញ​ខាង​ស្ត្រី​មាន​ផ្ទៃពោះ ប៉ុន្តែ​បើសិនជា​លោកអ្នក​ចង់​ជ្រាប​ច្បាស់​ជាង​នេះ អាច​ទៅ​ពិគ្រោះ​ជាមួយនឹង​វេជ្ជបណ្ឌិត​បន្ថែមទៀត ព្រោះថា ការសម្រេចចិត្ត​យក​កូន​គឺជា​រឿង​មួយ​ដ៏​សំខាន់ ហើយ​ការ​ទៅ​ពិគ្រោះ​ជាមួយ​វេជ្ជបណ្ឌិត លោកអ្នក​នឹង​អាច​ទទួលបាន​ដំបូន្មានល្អៗជាច្រើន ពាក់ព័ន្ធ​នឹង​សុខភាព​ផងដែរ។

ខាងក្រោម​នេះ គឺជា​វីដេអូ​ដែល​អ្នកជំនាញ​បានបង្ហាញ៖