ឪពុកម្តាយ​គ្រប់រូប​ត្រូវ​ចាំ ហាម​ឲ្យ​ទារក​គេង​ផ្តា​ប់​មុខ​ឲ្យ​សោះ!

0

ជា​រៀងរាល់​ឆ្នាំមាន​ទារក​ប្រហែលជា ១,៥០០នាក់​បាន​បាត់​បង់ជីវិត ដោយសារតែ​ឪពុកម្តាយ​មិន​យកចិត្តទុកដាក់​ចំពោះ​ការ​គេង​របស់​ពួកគេ។

ក្នុងចំណោម​ឥរិយាបទ​ទាំងអស់​មិន​ថា ការ​គេង​បែរ​ទៅខាង​ស្តាំ ខាងឆ្វេង ឬ​ផ្ងារ​ឡើយ សុទ្ធតែ​គ្មាន​បញ្ហា​អ្វី​ទាំងអស់ លើកលែងតែ​ទម្លាប់​គេង​ផ្តា​ប់​មុខ​មួយគត់។ ហេតុអ្វី​បានជា​មិន​ឲ្យ​ទារក​គេ​ផ្តា​ប់​មុខ? បើ​យោងតាម​អ្នកជំនាញ​បាន​បង្ហើប​ឲ្យ​ដឹងថា ទារក​ដែល​គេង​ផ្តា​ប់​មុខ​អាច​ជួបនឹង​បញ្ហា​គ្រោះថ្នាក់​មួយចំនួន។

 

 

១.ការ​គេង​ផ្តា​ប់​មុខ អាចដាក់​សម្ពាធ​ខ្លាំង​ទៅលើ​អវយវៈ​មួយចំនួន​នៅលើ​មុខ​របស់។ ការរង​នូវ​សម្ពាធ​បែបនេះ​រាល់ថ្ងៃ អា​ចប​ណ្តោ​ល​ឲ្យ​ប៉ះពាល់​ដល់​ការលូតលាស់​របស់​ទារ​ក ជាពិសេស​ឆ្អឹងថ្គាម ឬ​ច្រមុះ អាច​វេច​បាន ព្រោះ​ឆ្អឹង​នៅ​ខ្ចី​ត្រូវការ​លូតលាស់​ជា​ចាំបាច់។

២.មិន​ថា​ខ្នើយ កម្រាលពូក ភួយ ឬ​កន្ទេល​នោះទេ អ្នក​ច្បាស់​ជា​គ្មាន​ពេលវេលា​ច្រើន​ក្នុងការ​បោកគក​ឡើយ ហើយ​អ្នក​ម្តាយ​ទាល់តែ​រាប់​ខែ​ទើប​បោក​ម្តង។ នេះ​ជា​មូលហេតុ​ដែល​ធ្វើ​ឲ្យ​បាក់តេរី ឬ​មេរោគ​ជាច្រើន​ពួន​ស​ង្ងំ​នៅទីនេះ ហើយ​នៅពេលដែល​កូន​របស់​អ្នក​គេង​ផ្តា​ប់​មុខ មេរោគ​ទាំងនោះ​នឹង​ស្រូប​ចូលទៅក្នុង​ខ្លួន​តាមរយៈ​ខ្យល់​ដង្ហើម​យ៉ាង​ងាយ។

 

 

៣.បញ្ហា​ដ៏​អាក្រក់​បំផុត សម្រាប់​ការ​គេង​ផ្តា​ប់​មុខ គឺ​ទារក​អាច​ពិបាក​ដកដង្ហើម ឬ​ស្លាប់​បាន ជាពិសេស​ការ​គេង​លើ​ពូកទន់ៗតែម្តង៕

 

 

កូន​ក្អួត​ក្រោយពេល​បញ្ចុក​ថ្នាំ តើ​ត្រូវ​បញ្ចុក​ម្តងទៀត​ឬទេ?

 

ជឿថា​នៅ​រៀង​រាល់ពេល​បញ្ចុក​ថ្នាំ​ក្នុងពេលដែល​កូនតូច​មាន​អា​ការឈឺ​ថ្កាត់ម្តងៗនោះ គឺ​ពិតជា​រឿង​មួយ​ដែល​ធ្វើឱ្យ​លោកឪពុក​អ្នក​ម្តាយ​ឈឺក្បាល​វឹលមុខ​មិន​ស្ទើរ​ឡើយ ព្រោះ​ណាមួយ​កូន​មិន​ព្រម​ញ៉ាំ ឬ​លេបថ្នាំ​នោះ​សោះ និង​មួយទៀត គឺ​លេប​ចូលទៅ​ហើយ តែ​ក្អួត​ចេញមក​វិញ​អស់ ធ្វើឱ្យ​លោកឪពុក​អ្នក​ម្តាយ​កើតមាន​ការស្ទាក់ស្ទើរ​ក្នុង​ចិត្ត​ថា តើ​គួរ​បញ្ចុក​ម្តងទៀត​ឬ​យ៉ាងណា? ដូច្នេះ ខាងក្រោម​នេះ​គឺជា​ចម្លើយ​ចំពោះ​ចម្ងល់​នេះ។

មូលហេតុ​កូន​ក្អួត​ក្រោយពេល​បញ្ចុក​ថ្នាំ​រួច
អាការ​ក្អួត​របស់​កូន​ក្រោយពេល​ត្រូវ​ប៉ា​ម៉ាក់​បញ្ចុក​ថ្នាំ​រួច ជា​បញ្ហា​ដែល​ជួប​ញឹកញាប់ និង​កើតឡើងដដែល។ កូន​ក្អួត​ក្រោយ​ការ​បញ្ចុក​ថ្នាំ​ច្រើនតែ​បណ្តាលមកពី​ការ​យំ​យ៉ាងខ្លាំង​ក្លា​ព្រោះ​មិន​ចូលចិត្ត​រសជាតិ​របស់​ថ្នាំ មិន​ចូលចិត្ត​ក្លិន​របស់​ថ្នាំ កូន​ត្រូវ​ការបដិសេធ​ទើប​ព្យាយាម​ធ្វើឱ្យ​កើត​អាការ​ក្អួត ឬ​កើត​ពី​តិច​និក​ក្នុងការ​បញ្ចុក​ថ្នាំ​មិនល្អ ធ្វើឱ្យ​រសជាតិ​ថ្នាំ​ទៅ​ប៉ះ​នឹង​បរិវេណ​គល់​អណ្តាត​នាំឱ្យ​កើត​ប្រតិកម្ម​ការ​ខ្ជាក់​ចេញមក​វិញ​ដោយ​ស្វ័យប្រវត្តិ ដែល​ខាង​វេជ្ជសាស្ត្រ​ហៅថា gag reflex ធ្វើឱ្យ​ក្មេង​ក្អួត​ចេញមក ។

 

 

កូន​ក្អួត​ក្រោយពេល​បញ្ចុក​ថ្នាំ តើ​ត្រូវ​បញ្ចុក​ថ្នាំ​ម្តងទៀត​ឬទេ?
1 – ត្រូវ​បញ្ចុក​ឡើងវិញ​ម្តងទៀត ៈ ក្នុងករណី​បញ្ចុក​ហើយ​ក្អួត​ភ្លាម (មិនមែន​ក្អែ​ចេញមក​បន្តិចបន្តួច​ទេ) ចូរ​អ្នក​ម្តាយ​បញ្ចុក​ថ្នាំ​ក្នុង​បរិមាណ​ដដែល​ឡើងវិញ​ម្តងទៀត​ក្រោយពី​កូន​ឈប់​ក្អួត​ហើយ។

2-មិនបាច់​បញ្ចុក​ម្តងទៀត​ទេៈ​ក្នុងករណី​ដែល​កូន​ក្អួត​បន្ទាប់ពី​ការ​បញ្ចុក​ថ្នាំ​កន្លងផុតទៅ​យូរ​ក្រែល​ហើយ ឬ​ចាប់ពី​កន្លះ​ម៉ោង​ឡើង​ទៅនោះ​មិនចាំបាច់​បញ្ចុក​ឡើងវិញ​ម្តងទៀត​ទេ​ព្រោះថ្នាំ​មួយចំនួន​អាច​ត្រូវបាន​បឺត​ជ្រាបចូល​ទៅក្នុង​រាងកាយ​ខ្លះ​ហើយ តែ​ត្រូវ​បញ្ចុក​តាម​ពេលវេលា​ដែល​ពេទ្យ​កំណត់​នៅលើ​ក​ក្រោយ​ទៀត។

 

 

តិច​និក​ការ​បញ្ចុក​ថ្នាំ ឱ្យ​កូន​បានទទួល​ថ្នាំ​គ្រប់​ចំនួន​តាម​វេជ្ជបញ្ជា

1- បញ្ចុក​ថ្នាំ​សម្រេច​គ្រប់ពេល ត្រូវមាន​អារម្មណ៍ល្អ​តាំងពី​លើកដំបូង។ លើកដំបូង​របស់​ការ​បញ្ចុក​ថ្នាំ​ត្រូវ​បបួល​កូនតូច​លេង​ឱ្យមើល​នេះ​មើល​នោះ ចាប់ កាន់ ឧបករណ៍ផ្សេងៗ បើ​ស្ថិតក្នុង​វ័យ​យល់ដឹង​ខ្លះ​ហើយ​ត្រូវ​អធិប្បាយ ឱ្យ​ពេលវេលា និង​កុំ​បង្ហាញ​អាការ​ធុញថប់​តានតឹង​ឱ្យ​កូន​ឃើញ​ឱ្យសោះ។

2- ឧបករណ៍​សម្រាប់​បញ្ចុក​ក៏​សំខាន់​ដែរ ត្រូវ​ជ្រើសរើស​ឱ្យ​ស័ក្តិសម ដូចជា​ថ្នាំ​ដែលមាន​រសជាតិ​ល្វីង ឡា​រ៉ែ​ន​ណែនាំ​ឱ្យប្រើ​បំពង់ម្ជុល​ចាក់​ថ្នាំ បាញ់​បញ្ចូល​មាត់​កូន​តែម្តង រួច​ឱ្យ​ញ៉ាំ​ទឹក​តាម​ក្រោយ ចំណែក​ថ្នាំ​ដែលមាន​រសជាតិ​ផ្អែម​អាច​ប្រើ​ស្លាបព្រា​បញ្ចុក​បាន។

3- ឥរិយាបថ​របស់​កូន​ក្នុងពេល​បញ្ចុក​ក៏​សំខាន់​ដូចគ្នា​ដែរ កុំ​ប​ញ្ចុ​ុ​កដោយ​ឱ្យ​កូន​គេង​រាបស្មើ ព្រោះ​កូន​នឹង​លេប​មិនទាន់ ធ្វើឱ្យ​ក្អួត​ព្រួស​ចេញមក​វិញ ឬ​អាច​ឈ្លក់​ថ្នាំ​បាន គួរ​បញ្ចុក​ថ្នាំ​កូន​ក្នុង​ឥរិយាបទ​ដែល​ក្បាល​នៅ​ខ្ពស់ជាង​ខ្លួន។

 

 

4- ត្រូវ​ត្រៀម​ទឹក​ទុកជាមុន​បន្តិចបន្តួច បន្ទាប់ពី​បញ្ចុក​ថ្នាំ​ហើយ ចូរ​ឱ្យ​ទឹក​ញ៉ាំ​បន្តិច ព្រោះថ្នាំ​ប្រភេទ​ទឹក​ស៊ី​រ៉ូ​ធ្វើឱ្យ​ស្អិត​ក្នុង​បំពង់ក អាចធ្វើឱ្យ​កូន​ក្អក ហើយ​ការឱ្យ​ញ៉ាំ​ទឹក​បន្តិច​អាច​ការពារ​អាការ​ក្អក​បាន។

5- ប្តូរ​រសជាតិ​របស់​ថ្នាំ ពី​ល្វីង​ឱ្យទៅជា​ផ្អែម តែ​ត្រូវ​សួរនាំ​លោកគ្រូ​ពេទ្យ​ជាមុន​សឹ​ន ព្រោះថ្នាំ​ខ្លះ​អាច​កើត​ប្រតិកម្ម​ខាង​គីមី​ជាមួយ​ទឹក​ស៊ី​រ៉ូ អាចមាន​ផលប៉ះពាល់​ដល់​ការ​បឺត​ជ្រាប​របស់​រាងកាយ​បាន។

បានដឹង និង​ស្គា​ល់ពី​តិច​និកល្អៗពាក់ព័ន្ធ​នឹង​វិធី​បញ្ចុក​ថ្នាំ​កូន​ហើយ យើង​សង្ឃឹមថា ក្មេងតូចៗទាំងឡាយ​នឹង​លែង​សូវ​ក្អួត​ឬ​ព្រួស​ថ្នាំ​ចេញ​ទៀតហើយ តែ​អាការ​ក្អួត​នេះ​ក៏​អាច​បណ្តាលមកពី​ការកើត​ប្រតិកម្ម​ចាញ់​ថ្នាំ​ដែល​ញ៉ាំ​នោះដែរ ដូច្នេះ​អ្នក​ម្តាយ​គួរ​សង្កេតមើល​អាការ​រួម​ផ្សេង​ទៀតផង ដូចជា ឡើង​កន្ទួល​រមាស់ ភ្នែក​ហើម មាត់​ហើម ពិបាក​ដកដង្ហើម​ជាដើម បើ​ឃើញ​កូនតូច​កើតមាន​អាការ​ទាំងនេះ​ក្រោយពេល​បញ្ចុក​ថ្នាំ​រួច​នោះ អ្នក​ម្តាយ​គួរ​ប្រញាប់​នាំ​កូន​ទៅ​មន្ទី​ពេទ្យ​ជាបន្ទាន់​កុំ​បង្អង់​យូរ៕