បច្ចុប្បន្ននេះអត្រានៃការរំលូតកូន មានការកើនឡើងកាន់តែច្រើនឡើងៗ ជាពិសេសចំពោះគូស្នេហ៍ដែលជ្រុលជ្រួសមុនរៀបការតែម្តង។ ក្រៅពីនេះ អ្នកដែលមានកូនញឹកពេក ឬមិនទាន់មានលទ្ធិភាពចិញ្ចឹមកូន ក៏ជ្រើសយកវិធីសាស្ត្រមួយនេះផងដែរ។
ការរំលូតកូននេះមានពីប្រភេទ ទីមួយគឺការប្រើប្រាស់ថ្នាំគ្រាប់ ទីពីរគឺការប្រើឧបករណ៍បឺត ឬបារទារកចេញតាមរយៈមាត់ស្បូន។ ក៏ប៉ុន្តែ ការរំលូតកូនក៏ជួបនឹងផលវិបាកផងដែរ ប្រសិនបើការរំលូតកូនគ្មានជំនាញត្រឹមត្រូវ។
ក្នុងករណីធម្មតាបន្ទាប់ពីរំលូតកូន ឈាមនឹងធ្លាក់ត្រឹមតែ ២ទៅ៣ថ្ងៃប៉ុណ្ណោះក៏បាត់ទៅវិញ ប៉ុន្តែប្រសិនបើរយៈពេល២ទៅ៣សប្តាហ៍ហើយមិនព្រមបាត់ ស្ត្រីអាចមានអាការក្តៅខ្លួន មានហូរខ្ទុះ និងក្លិនមិនល្អ។ ប្រសិនបើមេរោគចូលទៅដល់ក្នុងស្បូន វាអាចបង្កឲ្យស្ត្រីត្រូវប្រឈមនឹងបញ្ហាគ្មានកូនទៅថ្ងៃក្រោយ។
ម្យ៉ាងវិញទៀត ប្រសិនបើគ្រូពេទ្យសម្អាតបំណែកទារកចេញពីស្បូនមិនអស់ទេ វាអាចធ្វើឲ្យស្ត្រីចេះតែឈឺចុកចាប់ក្នុងពោះ និងធ្លាក់ឈាមមិនបាត់។ ជាពិសេសប្រសិនបើទារកកាន់តែធំ ការរំលូតកូនប្រឈមនឹងគ្រោះថ្នាក់កាន់តែខ្ពស់។
អ្នកត្រូវចង់ចាំថា បើទារកក្នុងផ្ទៃមានអាយុ៥ខែទៅហើយមិនត្រូវរំលូតឡើយ ព្រោះវាអាចបង្កឲ្យខូចស្បូន ហើយគ្រោះថ្នាក់ដល់ជីវិតអ្នកម្តាយ៕
