ការសម្រាលកូនប្រឆាំងនឹងធម្មជាតិ គឺសំដៅជាការសម្រាលតាមវិធីសាស្ត្រវះកាត់ មិនមែនការសម្រាលតាមទ្វារមាសឡើយ។
ស្ត្រីមួយចំនួន អាចមានលទ្ធភាពសម្រាលតាមធម្មជាតិក៏ដោយ ប៉ុន្តែពួកគេបែរជាប្រើវិធីវះកាត់វិញ ព្រោះចង់រក្សារាងឲ្យនៅស្អាត អាចរក្សាទ្វារមាសមិនឲ្យខូច និងជៀសផុតពីការឈឺចាប់។ តែទោះជាយ៉ាងណា ការជ្រើសយកវិធីវះកាត់ មិនមែនជារឿងល្អសម្រាប់សុខភាពឡើយ ក្រោយពេលសម្រាល។
ខាងក្រោមនេះ គឺជាផលលំបាកមួយចំនួននៃការសម្រាលកូនដោយវះកាត់៖
១.អាចបន្សល់ទុកស្លាកស្នាមនៅលើក្បាលពោះ ឬមានស្នាមផ្លែតែម្តង។
២.ខ្សោយពោះត្រង់តំបន់ដែលវះកាត់ ដែលធ្វើពោះ ឬស្បែកពោះលៀន នៅពេលដែលអ្នកក្អកម្តង។
៣.ស្បូនមានភាពទន់ខ្សោយ ត្រង់តំបន់ដែលវះកាត់ ហើយការចុះខ្សោយនេះអាចធ្វើឲ្យអ្នកត្រូវប្រឈមនឹងការធ្លាក់ស្បូន ពេលសម្រាលកូនលើកក្រោយ។
៤.ស្ត្រីមិនអាចលើករបស់ធ្ងន់ ដូចមនុស្សទូទៅបានឡើយ ទោះបីជាមុខរបួសជាសះស្បើយហើយក្តី។
៥.ស្ត្រីអាចប្រឈមនឹងភាពធាត់លើសទម្ងន់ ជាងស្ត្រីដែលសម្រាលដោយធម្មជាតិ។
៦.ក្រោយពេលវះកាត់ច្រើនខែ តំបន់ពោះដែលត្រូវបានវះកាត់អាចជាប់ស្អិតជាមួយពោះវៀន ដែលធ្វើឲ្យស្ត្រីមានអាការឈឺពោះរ៉ាំរ៉ៃ ឬស្ទះពោះវៀន(តែករណីនេះកម្រកើតមានណាស់)។
