គ្មានស្ត្រីណាម្នាក់ចង់ជួបបញ្ហារលូតកូន នោះទេ ហេតុនេះហើយគ្រាន់តែឮថាខ្លួនមានផ្ទៃពោះភ្លាមច្បាស់ជាថ្នមខ្លួនដោយមិនហ៊ានធ្វើសកម្មភាពខ្លាំងៗ ឬញ៉ាំអ្វីផ្តេសផ្តាស់ ឡើយ។ អ្នកត្រូវដឹងថា ការរលូតកូន អាចបណ្តោលឲ្យស្ត្រីជាម្តាយត្រូវបាត់បង់ឈាមច្រើន ហើយបើបណ្តោលយឲ្យឈាមហូរកាន់តែយូរអាចគ្រោះថ្នាក់ដល់ជីវិត។ ក្នុងករណីមួយចំនួន ស្ត្រីមិនអាចហាមឃាត់ការរលូតកូនបាននោះទេ ប្រសិនបើជួបករណីដូចខាងក្រោម៖
១.ការប្រើប្រាស់ថ្នាំបំបាត់ការឈឺចាប់គ្មានវេជ្ជបញ្ជា ដូជាថ្នាំផ្តាសាយជាដើម។
២.ការដួលប៉ះទង្គិចត្រូវចំពោះ មានសភាពធ្ងន់ធ្ងរ។
៣.ការទទួលទានរបបអាហារគ្នានសារធាតុចិញ្ចឹមគ្រប់គ្រាន់ ធ្វើឲ្យប៉ះពាល់ដល់ការលូតលាស់ទារក ក៏ប្រឈមនឹងការរលូតដែរ។
៤.ស្ត្រីដែលមានបញ្ហារលាកដៃស្បូន ហើយមិនទាន់ជាសះស្បើយក៏អាចធ្វើឲ្យកើតមានបញ្ហារលូតដូចគ្នា។
៥.ស្ត្រីមានផ្ទៃពោះដែលខំធ្វើការហួសកម្លាំង ឬធ្វើការងារធ្ងន់ពេក អាចធ្វើឲ្យទារកប្រឈមនឹងជ្រុះចេញពីក្នុងស្បូនដែរ។
អាហារ៤ប្រភេទ ស្ត្រីរលូតកូនគួរតែបរិភោគឲ្យបានច្រើន
គ្មាននរណាម្នាក់ចង់ឲ្យជួបបញ្ហាដ៏អាក្រក់មួយនេះនោះទេ ក៏ប៉ុន្តែប្រសិនវាកើតឡើងទៅហើយក៏មិនដឹងធ្វើយ៉ាងម៉េចដែរ មានខំថែរក្សាសុខភាពហើយចាំយកកូនមួយទៀតតែប៉ុណ្ណោះ។
នៅក្នុងពេលរលូតកូនអ្នកម្តាយច្បាស់ជាបាត់បង់ឈាមច្រើន ហើយសុខភាពក៏ទន់ខ្សោយដូចអ្នកដែលទើបនឹងសម្រាលកូនដែរ។ ហេតុនេះ ដើម្បីជួយជំរុញឲ្យរាងកាយឆាប់មានកម្លាំងកំហែងឡើងវិញ អ្នកគួរតែព្យាយាមទទួលទានអាហារ ៤ប្រភេទ។
ទឹកដោះគោ
អាហារដែលមានសុខភាពល្អសម្រាប់អ្នកដែលទើបនឹងរលូតកូន គឺទឹកដោះគោ ព្រោះវាសម្បូរទៅដោយប្រូតេអ៊ីន និងសារធាតុរ៉ែសំខាន់ៗជាច្រើន ដែលអាចជួយស្តាររាងកាយឲ្យឆាប់ត្រលប់មកដូចភាពដើមវិញ។
រមៀត
អ្នកគួរតែបន្ថែមគ្រឿងទេសនេះ ទៅក្នុងរបបអាហាររាល់ថ្ងៃ ព្រោះវាមានសមត្ថភាពប្រឆាំងនឹងការរលាក កាត់បន្ថយការឈឺចាប់ និងអាការហើមផងដែរ។
មើមខ្ញី
ខ្ញី ត្រូវបានគេចាត់ទុកជាថ្នាំប៉ូវមួយប្រភេទទៀត ដែលអាចជួយឲ្យរាងកាយស្ត្រីឆាប់ជាសះស្បើយឡើងវិញក្រោយពេលរលូតកូន។ ជាពិសេសវាមានគុណសម្បត្តិព្រឹងប្រព័ន្ធភាពស៊ាំ និងការពារការឆ្លងមេរោគមួយចំនួន។
ផ្លែប៊ឺរ
ផ្លែប៊ឺរ សម្បូរទៅដោយខ្លាញ់អូមេហ្គា-៣ ដែលមានសមត្ថភាពជួយបង្កើតកោសិកាឈាមក្រហម និងជាលិកាខ្លាញ់ ដែលបានបាត់បង់បន្ទាប់ពីរលូត យ៉ាងឆាប់រហ័ស៕
