ការពពោះរយៈពេល ៩ខែពេញមិនមែនជារឿងធម្មតានោះទេ ហើយមានតែស្ត្រីធ្លាប់ឆ្លងកាត់បទពិសោធន៍មួយនេះទេទើបយល់អារម្មណ៍ច្បាស់។
ក្រោយពេលទារកកើតមកភ្លាម ឪពុកម្តាយត្រូវមានទំនួលខុសត្រូវធំណាស់ក្នុងការមើលថែទារក ក៏ប៉ុន្តែទន្ទឹមនឹងនេះ មានរឿងមួយចំនួនអ្នកមិនគួរធ្វើដាក់ទារកឡើយ ព្រោះវាអាចបង្កឲ្យមានគ្រោះថ្នាក់
១.ហាមថើបមាត់ទារក ទោះអ្នកណាក៏ដោយ
អំឡុងពេល៣ខែដំបូង បន្ទាប់ពីទារកកើតមករាងកាយរបស់ពួកគេមានភាពទន់ខ្សោយខ្លាំងណាស់ អាចងាយនឹងឆ្លងមេរោគ ឬបាក់តេរីផ្សេង។ ជាពិសេសការថើបមាត់ អាចចម្លងមេរោគ ឬបាក់តេរី ដែលបង្កជាជំងឺជំងឺផ្សេងៗបា
២.ហាមប្តូរបរិយាកាសក្នុងផ្ទះ
ប្រសិបើទារក ធ្លាប់រស់នៅក្នុងផ្ទះដែលបើកបង្អួច ឬបាំងវាំងនននៅពេលថ្ងៃ អ្នកគួរតែរក្សាស្ថានភាពបែបនេះឲ្យនៅដដែល។ មិនតែប៉ុណ្ណោះ នៅពេលទារកគេង អ្នកពំុំគួរនិយាយគ្នាឮៗ ឬក៏បើកសំលេងទូរស្សន៍ខ្លាំងៗនោះទេ ព្រោះវាអាចរំខានដល់ការគេរបស់ពួកគេ។ សូមចាំថា ទារកមានត្រចៀកវៃណាស់ គ្រាន់តែអ្នកធ្វើអ្វីឲ្យមានឮសំលេងបន្តិច ក៏ពួកគេអាចភ្ញាក់បានដែរ។
៣.កុំលេងក្បាលដោះរបស់ទារក
ចំពោះទារកមួយចំនួនដែលបៅដោះម្តាយមិនជាអ្វីនោះទេ ក៏ប៉ុន្តែសម្រាប់ទារកដែលបៅទឹកដោះគោវិញត្រូវមានការប្រុងប្រយ័ត្នបន្តិច ចំពោះក្បាលសុដន់ជ័រ។ ការលេងក្បាលសុដន់ជ័រ នេះអាចបណ្តោលឲ្យឆ្លងមេរោគផ្សេងៗ ព្រោះដៃរបស់អ្នក មិនប្រាដកថាស្អាតនោះទេ។
អាស្រ័យហេតុនេះ ដើម្បីឲ្យទារកមានសុខភាពល្អ ឪពុកម្តាយគ្រប់រូបគួរតែជៀសវាងទង្វើមួយចំនួនដូចខាងលើនេះ៕
