ជាទូទៅមនុស្សស្ទើរតែគ្រប់គ្នាតែងយល់ថា ការទទួលទានខួរជ្រូក អាចធ្វើឲ្យពួកគេមានកម្លាំងពលាំង និងមានភាពឆ្លាតវៃក្នុងការដោះស្រាយបញ្ហាផ្សេង។ ជាពិសេស អ្នកម្តាយភាគច្រើនបានឲ្យកូនរបស់ខ្លួនទទួលទាន ព្រោះយល់ថាវាជាអាហារប៉ូវដ៏ល្អ ក៏ប៉ុន្តែខួរជ្រូក មិនមានឥទ្ធិពលក្នុងការជួយអភិវឌ្ឍខួរក្បាល ដូចពាក្យចចាមអារាមតៗគ្នានោះទេ។
ផ្ទុយទៅវិញ ការញ៉ាំខួរជ្រូកច្រើនពេក អាចធ្វើឲ្យកុមារត្រូវប្រឈមនឹងជំងឺធាត់ ជំងឺខាន់ស្លាក់ និងជំងឺសរសៃឈាមបេះដូង។អ្នកត្រូវដឹងថា ខួរក្បាលជ្រូកទម្ងន់ ១០០ក្រាម មានផ្ទុកកូឡេស្តេរ៉ុលរហូតដល់ទី ២,៥០០មីលីក្រាម ដែលលើសពីតម្រូវការរាងកាយដល់ទៅ ៨ដងឯណោះក្នុងមួយថ្ងៃ។ ចំណែប្រូតេអ៊ីន នៅក្នុងខួរជ្រូក មានត្រឹមតែ ៩ក្រាមប៉ុណ្ណោះ គឺទាបជាងសាច់ដែលគ្មានខ្លាញ់ទៅទៀត។
អាស្រ័យហេតុនេះ សូមកុំឲ្យកូនរបស់អ្នកទទួលទានខួរជ្រូកច្រើនពេក ព្រោះវាមិនអាចជួយជំរុញឲ្យដល់ការអភិវឌ្ឍខួរក្បាលរបស់ពួកគេបាននោះទេ ផ្ទុយទៅវិញវាអាចធ្វើឲ្យប៉ះពាល់ដល់សុខភាពថែមទៀត៕
