ឪពុកម្តាយថ្មោងថ្មីមួយចំនួនដែលគ្មានបទពិសោធន៍ ច្បាស់ជាពិបាកក្នុងការមើលថែទាំទារកទើបនឹងកើតណាស់ ជាពិសេសបើក្នុងផ្ទះគ្មានចាស់ទុំជួយណែនាំទេនោះ។ ទារកទើបនឹងកើតមិនចេះនិយាយប្រាប់ នៅពេលដែលមានបញ្ហាអ្វីមួយកើតឡើង ក៏ប៉ុន្តែពួកគេអាចបញ្ចេញកាយវិកាតារយៈការស្រែកយំ ជាពិសេសនៅពេលយប់។ តើមូលហេតុអ្វីខ្លះដែលធ្វើឲ្យទារកស្រែកយំនៅពេលយប់? ចង់ដឹងច្បាស់ឪពុកម្តាយថ្មោងថ្មី គួរស្វែងយល់ពីកត្តាមួយចំនួនដូចខាងក្រោម
១.យំនៅពេលពួកគេស្រែកឃ្លាន
នៅពេលលឺសំលេងស្រែកយំភ្លាម រឿងដំបូងដែលឪពុកម្តាយគួរតែដឹង គឺការឃ្លានបៅ ដូច្នះប្រសិនបើអ្នកផ្តល់ទឹកដោះឲ្យពួកគេភ្លាម គេនឹងបាត់យំភ្លែត។
២.យំដោយសារតែការមមើ
សកម្មភាពផ្សេងៗដូចជា ការប្រលែងច្រើន ការពញ្ញាក់ ការលឺសំលេងរំខានខ្លាំង ឬឃើញសកម្មភាពគួរឲ្យខ្លាច ធ្វើឲ្យដកជាប់ក្នុងអារម្មណ៍ពួកគេ នឹងមានការមមើក្នុងពេលយប់។
:max_bytes(150000):strip_icc()/GettyImages-538254701ThanasisZovoilisTaxi-569e79c25f9b58eba4ac6946.jpg?resize=696%2C464&ssl=1)
៣.យំដោយសារតែការបន្ទោរបង់
នៅពេលទារកបន្ទោរបង់ ប្រសិនបើអ្នកមិនព្រមប្តូរខោចេញភ្លាមៗនោះទេ វានឹងបង្កទៅជាអាការរមាស់ ឬរលាកគូថ ដែលធ្វើពួគេមានអារម្មណ៍នៅមិនសុខឡើយ ដូច្នេះមានតែបញ្ចេញសំលេងយំជាដំណឹងប្រាប់អ្នកឲ្យបានដឹង។
៤.យំដោយសារតែមិនស្រួលខ្លួន
អាការមិនស្រួលខ្លួនដោយសារតែអាការហើមពោះ សត្វល្អិត ទិចឬខាំ អាចធ្វើឲ្យរាងកាយរបស់ពួកគេមានការឈឺចាប់ ដូច្នេះពួកគេច្បាស់ជាបញ្ចេញភាសារយំប្រាប់អ្នកឲ្យដឹងជាមិនខាន។
នៅពេលទារកយំ គឺជាភាសារមួយដែលចង់ប្រាប់អ្នកពីបញ្ហាមួយចំនួនដូចខាងលើ ហេតុនេះឪពុកម្តាយទាំងឡាយគួរយកចិត្តទុកដាក់ឲ្យមែនទែន៕
