ស្របពេលដែលវិស័យបច្ចេកវិទ្យារីកចំរើនយ៉ាងខ្លាំង ក្រុមអ្នកវិទ្យាសាស្ត្របានព្រមានពីផលប៉ះពាល់អាក្រក់នៃការប្រើប្រាស់ទូរសព្ទដៃ ឧបករណ៍ WiFi កុំព្យូទ័រ… ចំពោះសុខភាពមនុស្សទូទៅ ជាពិសេសកុមារតូច។ សមាគមន៍ការពារសុវត្ថិភាពកុមារហៅកាត់ថា NACST បានរកឃើញថា ឧបករណ៍អេឡិចត្រូនិចដែលផលិតនៅក្នុងពេលបច្ចុប្បន្ននេះ អាចបង្កជាតិវិទ្យុសកម្ម គ្រោះថ្នាក់ខ្លាំងណាស់។
ការសិក្សាស្រដៀងគ្នានេះដែរ ដោយអ្នកវិទ្យាសាស្ត្រនៅ ស៊ុយអែត បានអះអាងថា បច្ចុប្បន្ននេះជាតិវិទ្យុសកម្ម ដែលភាយចេញពីទូរសព្ទដៃ WiFi និងឧបករណ៍អេឡិចត្រូនិចផ្សេងៗទៀត បានបង្កហានិភ័យជំងឺមហារីក ខ្ពស់ជាងបច្ចេកវិទ្យាកាលពី ២៥ឆ្នាំមុនរហូតដល់ ៣ដង។
កាលពីឆ្នាំ ២០១១ អង្គការពិភពលោក WHO បានចាត់ទុកជាតិវិទ្យុសកម្ម ជាប្រភពគ្រោះថ្នាក់ដល់សុខភាពមនុស្សដូចជាថ្នាំជក់ដែរ ដោយសារតែវាមានឥទ្ធិពលខ្លាំងចំពោះពិភពលោក ទោះនៅទីណាក៏ដោយ។
អាស្រ័យហេតុនេះ មិនត្រឹមតែទូរសព្ទដៃនោះទេដែលអ្នកគួរតែហាមឃាត់មិនឲ្យក្មេងលេង សូម្បីតែឧបករណ៍អេឡិចត្រូនិចផ្សេងៗទៀតក៏ដូចគ្នាដែរ៕
