ភាពធាត់សម្រាប់កុមារ គឺជាកត្តាហានិភ័យចំពោះសុខភាពដ៏គួរឲ្យព្រួយបារម្ភខ្លាំងបំផុតនៅពេលពួកគេធំពេញវ័យ។ ដោយសារតែភាពធាត់ អាចបង្កើនហានិភ័យនៃជំងឺលើសឈាម កូលេស្តេរ៉ុលខ្ពស់ ដែលនាំឲ្យមានគ្រោះថ្នាក់ដល់សរសៃឈាមបេះដូង ជំងឺទឹកនោមផ្អែម គ្រួសក្នុងថង់ប្រមាត់ ឈឺសាច់ដុំ និងរលាកសន្លាក់ឆ្អឹង…។
លើសពីនេះទៅទៀត កុមារដែលធាត់ជ្រុលច្រើនតែមានដំណើរមិនល្អ សកម្មភាពយឺតយ៉ាវ ប៉ះពាល់ដល់ចិត្តសាស្ត្រ និងសមត្ថភាពក្នុងការរៀនសូត្រ។ គោលការណ៍សំខាន់ ដើម្បីព្យាបាលភាពធាត់ចំពោះកុមារ គឺការកែសម្រួលរបបអាហារ រួមបញ្ចូលទាំងការធ្វើលំហាត់ប្រាណជាប្រចាំ។ លើសពីនេះ អ្នកត្រូវកំណត់ជាតិស្ករ អាហារមានផ្ទុកជាតិម្សៅ និងអាហារដែលដំណើរការដោយចៀន ឬបំពង។
ផ្ទុយទៅវិញ អ្នកគួរតែផ្តល់បន្លែ ផ្លែឈើដល់កុមារឲ្យបានច្រើន ព្រោះវាមិនត្រឹមតែអាចជួយជំរុញឲ្យរាងកាយកុមារមានសុខភាពល្អនោះទេ ថែមទាំងអាចជួយសម្រកទម្ងន់ថែមទៀត៕
