តើអ្នកដឹងទេថា ៩០ភាគរយនៃអាឡែស៊ីត្រូវបានបង្កឡើងដោយសារទឹកដោះគោ ស៊ុត សណ្តែកដី ត្រី ពពួកសណ្តានខ្ចៅខ្យង ឬសណ្តែកសៀង? ដោយសារអាឡែស៊ីមានការកើនឡើង វាជារឿងសំខាន់ដែលអាណាព្យាបាលទាំងឡាយត្រូវយកចិត្តទុកដាក់។
រោគសញ្ញាជារឿយៗកើតឡើងក្នុងរយៈពេលពីរបីនាទី ទៅមួយម៉ោងបន្ទាប់ពីទទួលទានអាហារ ប៉ុន្តែជួនកាលអាចមានរយៈពេលច្រើនថ្ងៃទើបចេញរោគសញ្ញា។ ប្រសិនបើកុមារ លេចកន្ទួលតូចៗ ក្រហមដុំៗដូចកន្ទាលត្រអាក និងកន្ទួលរមាស់ខ្លាំងដែលមានរាងដូចមូសខាំ ជាសញ្ញាប្រតិកម្មអាឡែស៊ី។
កន្ទួល និងរមាស់ស្បែក ជារោគសញ្ញាទូទៅមួយ ហើយជាញឹកញាប់វាជាសញ្ញាដំបូងនៃប្រតិកម្ម។ ជាពិសេសប្រសិនបើកូនរបស់អ្នកក្អួត ឬរាគ បន្ទាប់ពីរបរិភោគអាហារ គួរតែប្រញាប់នាំកូនទៅមន្ទីរពេទ្យភ្លាម កុំឲ្យមានសភាពធ្ងន់ធ្ងរជាងនេះ។
ជារឿយៗលាមកមានលាយឈាម គឺជាសញ្ញាអាឡែស៊ីដែលបង្កឡើងដោយទឹកដោះគោ ហើយអ្នកក៏គួរតែពិនិត្យមើលបញ្ហាឈាមរត់ និងដង្ហើមរបស់កុមារផងដែរ។ ស្បែកមានសភាពស្លេកស្លាំង កណ្តាស់ញឹក និងពិបាកដកដង្ហើម គឺជាសញ្ញាអាឡែស៊ីទាំងអស់។
សូមបញ្ជាក់ផងដែរថា បញ្ហាអាឡែស៊ីជាង ៨០ភាគរយ កើតឡើងដោយសារតែការទទួលទានស៊ុត ទឹកដោះគោ ស្រូវសាលី សណ្តែកសៀង ចំពោះកុមារអាយុ ៥ឆ្នាំ៕
