ក្រោយពេលសម្រាលកូន រឿងដ៏លំបាកមួយដែលស្ត្រីត្រូវជួបប្រទះ គឺការរក្សារាងកាយឲ្យនៅស្រស់ស្អាតដូចនៅលីវ ប៉ុន្តែមិនមានគ្មានវិធីដោះស្រាយនោះទេ។ ប្រសិនបើអ្នកអនុវត្តតាមដំបូលន្មានទាំង៦ចំណុចខាងក្រោម អ្នកនឹងទទួលបានរាងស្រស់ស្អាតឡើងវិញក្រោយពេលសម្រាល៖
១.ធ្វើលំហាត់ប្រាណយូហ្គា
ការធ្វើលំហាត់ប្រាណយូហ្គា បន្ទាប់ពីសម្រាលមិនត្រឹមតែអ្នកអាចបញ្ចុះទម្ងន់ទេ ប៉ុន្តែវាក៏ជួយអ្នកជួសជុលស្បូនរបស់អ្នក ហើយអនុញ្ញាតឱ្យទ្រូងរបស់អ្នកស្តារភាពរឹងមាំ និងជៀសផុតពីភាពធ្លាក់យារផងដែរ។
២.ញ៉ាំអាហារសម្បូរជាតិសរសៃជាប្រចាំ
អាហារដែលសម្បូរជាតិសរសៃ ត្រូវបានគេចាត់ទុកជាថ្នាំសម្រកទម្ងន់ និងជាថ្នាំកម្ចាត់ជាតិខ្លាញ់ចេញពីរាងកាយយ៉ាងពូកែ។ ដូច្នេះស្ត្រីសម្រាលកូនហើយ គួរព្យាយាមទទួលទានដំឡូងជ្វា ពោត ល្ពៅ ស្រូវលាសី និងបន្លែបៃតងជាច្រើនទៀត។
អាហារទាំងនេះមានឥទ្ធិពលនៃការសម្រកទម្ងន់ ហើយក៏មានប្រសិទ្ធភាពក្នុងការកាត់បន្ថយជាតិស្ករនៅក្នុងឈាម និងកូលេស្តេរ៉ុល។
៣.បន្ថែមប្រូតេអ៊ីនឲ្យបានត្រឹមត្រូវ
នៅពេលខ្វះប្រូតេអ៊ីនក្នុងរាងកាយ ជំងឺនឹងកើតមានឡើង ហើយវានឹងក្លាយទៅជាមានផលវិបាកដែលបង្កទៅជាភាពធាត់។ ដូច្នេះ ដរាបណាអ្នករក្សាកម្រិតប្រូតេអ៊ីនបានត្រឹមត្រូវ រាងកាយមិនឡើងទម្ងន់នោះទេ ហើយវានឹងជួយបំពេញបន្ថែមស្រទាប់កូឡែជែនដល់ស្បែក រួមទាំងធ្វើឲ្យស្បែកមានសុខភាពល្អ។
៤.បំបៅកូនដោយទឹកដោះ
ការបំបៅកូនដោយទឹកដោះ មិនត្រឹងមតែល្អសម្រាប់ទារកប៉ុណ្ណោះទេ វាក៏ល្អសម្រាប់អ្នកម្តាយផងដែរ។ ព្រោះទារកអាចអាចបំម្លែងខ្លាញ់ប្រូតេអ៊ីន របស់អ្នកម្តាយតាមរយៈការបំបៅដោះ ដូច្នេះស្ត្រីដែលនៅតែបន្តបំបៅដោះកូន នឹងមិនលើសទម្ងន់ ឬធាត់ឡើយ។
លើសពីនេះទៅទៀត ការបំបៅដោះកូនដោយទឹកដោះ ក៏មានផលល្អដើម្បីស្តារសុខភាពឡើងវិញ នឹងរៀបចំស្បូនឲ្យឆាប់ល្អប្រសើរផងដែរ។
៥.ម៉ាស្សា
ស្ត្រីភាគច្រើនតែងតែមានស្នាមសង្វា ដោយសារតែការឡើងទម្ងន់ខ្លាំងពេកធ្វើឲ្យស្បែកយឺតធ្លាក់យារ។ ដំបូលន្មានល្អ អ្នកត្រូវធ្វើការម៉ាស្សាជាប្រចាំ ដោយប្រើប្រេងអូលីវ វានឹងផ្តល់ប្រសិទ្ធភាពជួយរឹតបន្តឹងស្បែក ព្រមទាំងលុបបំបាត់ស្វាមសង្វាផងដែរ។
៦.ផឹកទឹកឲ្យបាន៨កែវក្នុងមួយថ្ងៃ
វិធីមួយក្នុងចំណោមវិធីដ៏ល្អបំផុតដើម្បីសម្រកទម្ងន់ បន្ទាប់ពីសម្រាលកូន គឺផឹកទឹកឲ្យបាន៨កែវក្នុងមួយថ្ងៃ ដើម្បីបណ្តេញជាតិពុល និងបំបាត់ភាពខ្លាញ់ចេញពីរាងកាយ។
ម្តាយបំបៅដោះកូនត្រូវចងចាំថា ការរក្សាទម្លាប់ទទួលទានទឹកក្តៅឧណ្ឌៗ នឹងមិនបណ្តាលទារកកើតជំងឺរាគឡើយ៕
