ជាទូទៅយើងឃើញមាតាបិតាគ្រប់រូបស្ទើរតែ100% ទាំងខ្មែរ និងបរទេសនិយមលាបម្សៅហុយលើទារក និងកុមារ ដែលអ្នកទាំងអស់គ្នាមិនដឹងទេថាតើវាផ្តល់គ្រោះថ្នាក់ និងផលប៉ះពាល់ប៉ុណ្ណានោះទេ ហើយស្បែកទារកមិនត្រូវការលាបម្សៅនោះទេ។
»ម្សៅហុយកាលពីមុនស្ទើរតែ 100% មានលាយសារធាតុគីមីម្យ៉ាងឈ្មោះថា Talcum ដែលសារធាតុទាំងនោះមិនត្រឹមតែផ្តល់ផលប៉ះពាល់ដល់ទារក និងកូនក្មេងទេ សូម្បីតែមនុស្សពេញវ័យក៏ផ្តល់ផលប៉ះពាល់ដែរ។
»ពេលដែលយើងលាបម្សៅទាំងនោះនឹងហុយចូលតាមច្រមុះទារក (ច្រមុះទារកមិនមានរោមច្រមុះច្រើនដើម្បីទប់ការហុយនោះទេ ធ្វើអោយបរិមាណហុយចូលសួតកាន់តែច្រើន ហើយសួតទារកកាន់តែតូចសួតកាន់តែនៅខ្ចី) ធ្វើអោយទារកប្រឈមនឹងជំងឺជាច្រើនដូចជា រលាកទងសួត រលាកសាច់សួត ជំងឺហឺត(Asthma) ធ្វើអោយក្អករាំរៃ រលាកបំង់ករ និងឈានដល់ការកើតមហារីកបើប្រើកាន់តែយូរទៅៗ។
»ហើយសារធាតុ Talcum នេះ ក៏ធ្វើអោយកើតរោគស្ត្រីផងដែរ និងប្រឈមនឹងជំងឺ មហារីដៃស្បូន មហារីកជញ្ជាំងសាច់ស្បូន ចំពោះស្ត្រីដែលប្រើម្សៅទាំងនេះលាបនៅក្រលៀន និងលីអូ។
»មានក្រុមហ៊ុនម្សៅខ្លះមិនមានលាយសារធាតុ Talcum នេះទេ ដោយពួកគេផលិតពីម្សៅពោត រឺម្សៅធម្មជាតិផ្សេងទៀត 100% ភាគរយ តែវាក៏នៅតែផ្តល់ផលប៉ះពាល់ដល់សួតទារក ព្រោះសួតរបស់មនុស្សមិនត្រូវការអ្វីទាំងអស់គឺត្រូវការតែខ្យល់អុកសុីសែនមួយមុខគត់។
»បើបងប្អូនខ្លាចមានបញ្ហាស្បែកដោយការរោលផ្សេងៗដោយមិនបានលាបម្សៅសូមបងប្អូនមកពិគ្រោះជាមួយនឹងគ្រូពេទ្យជំនាញ៕
វេជ្ជ. ហ៊ាង រតនា Dr. HEANG ROTTANA
