លក្ខខណ្ឌ៥យ៉ាង ជួយឲ្យអ្នកម្តាយ​​សម្រាលកូន​មក​ស្រួល

0

ការ​ពពោះ​សម្រាលកូន​គ្មាន​ស្ត្រី​រូប​ណា​អាច​ជៀសផុត​នោះទេ បើ​ចង់​ធ្វើជា​ម្តាយបង្កើត​របស់គេ។ ទន្ទឹមនឹងនេះ​ផងដែរ ការ​សម្រាលកូន​ជា​ដំណាក់កាល​ដ៏​លំបាក និង​មាន​គ្រោះថ្នាក់​ខ្លាំង​បំផុត ដែលប្រុសៗមិន​យល់​ពី​អារម្មណ៍​មួយ​នេះឡើយ។ ក៏ប៉ុន្តែ ដើម្បី​សម្រាលកូន​ដោយ​ភាពងាយស្រួល និង​គ្មាន​ឧបសគ្គ​ខ្លាំង ស្ត្រី​ត្រូវការ​លក្ខខណ្ឌ៥ចំណុច។

Image result for ជិតសម្រាលកូន

ការផ្តល់​កម្លាំងចិត្ត​ពី​ស្វាមី

នៅពេល​សម្រាលកូន​ហេតុអ្វី​បានជា​ក្រុមគ្រូពេទ្យ​តែងតែ​ឲ្យ​ស្វាមី​ចូលនៅ​ជាមួយ? មូលហេតុ​ ដោយសារតែ​ស្វាមី​អាច​ផ្តល់នូវ​ភាពកកក្តៅ និង​ជា​កម្លាំងចិត្ត​ដ៏​វិសេស​វិលាស ដែល​ជួយ​ឲ្យ​ជំរុញ​ឲ្យ​ភរិយា​ឆាប់​ឆ្លង​ផុត​ដំណាក់កាល​នេះ។

Related image

របប​អាហារ

ស្ត្រី​ត្រូវការ​ថាមពល​ជា​ចាំបាច់ ដើម្បី​រុញច្រាន​កូន​ឲ្យ​ឆាប់​ចេញមកក្រៅ ហេតុនេះ​ស្វាមី​គួរតែ​ស្វែងរក​អាហារប៉ូវៗ ជាពិសេស​នៅពេល​ស្បូន​ចាប់ផ្តើម​បើក។ តែ​ទោះជា​យ៉ាងណា សូម​ជៀសវាង​ការប្រើប្រាស់​ខ្លាញ់ និង​ពពួក​អាហាររឹងៗ ព្រោះ​វា​នឹង​ប​ណ្តោ​ល​ឲ្យ​មាន​បញ្ហា​សុខភាព។

Related image

ងូតទឹកត្រជាក់ៗ

កា​រងូ​ង​ទឹកត្រជាក់ៗ អំឡុងពេល​ឈឺពោះតិចៗ អាចជួយ​ឲ្យ​ស្ត្រី​មាន​អារម្មណ៍​ធូរស្រាល​ពី​ភាព​តានតឹង។ ប៉ុន្តែ​អ្នក​ត្រូវ​ចាំ​ថា នៅពេលដែល​ទឹក​ភោះ​បែក​ពេល​មិនទាន់​ទៅដល់​មន្ទីរពេទ្យ កុំ​ឈរ ឬ​អង្គុយ​ឲ្យ​សោះ ព្រោះ​វា​អាចធ្វើ​ឲ្យ​ទឹកភ្លោះ​ហូរ​ចេញមក​លឿន ដែល​អាច​នាំ​ឲ្យ​មាន​បញ្ហា​ដល់​ការបង្កើត​កូន។

Image result for ជិតសម្រាលកូន

ធ្វើ​លំ​ហាត់ប្រាណ

ការធ្វើ​លំ​ហាត់ប្រាណ​បែប​យូ​ហ្គា ឬ​ដើរ​ឲ្យ​បាន​ច្រើន មិន​ត្រឹមតែ​មិន​ប៉ះពាល់​ដល់​ស្ត្រី​មាន​ផ្ទៃពោះ​ប៉ុណ្ណោះ​ទេ វា​ក៏​អាចជួយ​សម្រួល​ឲ្យ​ការ​សម្រាលកូន​មាន​ភាពងាយស្រួល​ផងដែរ។

Image result for ជិតសម្រាលកូន

បន្ថយ​ការឈឺចាប់

នៅពេល​ឈឺពោះ​ចង់​សម្រាល ស្ត្រី​ច្បាស់​ជាមាន​ការឈឺចាប់​ខ្លាំង រហូត​មាន​អ្នកខ្លះ​ស្រែក​ផ្អើល​ពេញ​បន្ទប់​សម្រាល​ថែមទៀត។ ដូច្នេះ​វិធី​ដែល​អាច​កាត់បន្ថយ​ការឈឺចាប់​នេះ គឺ​ដកដង្ហើម​ឲ្យ​បានជ្រៅៗ ឲ្យ​ស្វាមី​ម៉ាស្សាតិចៗ ឬ​ឱប​ស្វាមី​ដើម្បី​រំសាយ​អារម្មណ៍​ឈឺចាប់៕