ចម្លែកមែន ក្មេងស្រីទើបតែចេះដើរតេះតោះម្នាក់បានកើតជំងឺចម្លែកម្យ៉ាង គឺអាយុទើបតែ ២ឆ្នាំ កើតជំងឺមហារីកសុដន់ ដល់ពេល ៤ឆ្នាំ មករដូវ ហើយបានបញ្ចប់ទៅវិញនៅអាយុ ៥ឆ្នាំ។ Emily Dover មកពីប្រទេសអូស្ត្រាលី បានកើតមកមានសុខភាពល្អធម្មតាក្នុងទម្ងន់ ៤,៥ គីឡូក្រាម។ ប៉ុន្តែនៅយុមួយខែ នាងមានទម្ងន់ស្មើនឹងទារក ១ឆ្នាំទៅហើយ ហើយត្រូវស្លៀកពាក់ធំដូចក្មេងដែលមានអាយ ១២ ទៅ ១៨ខែ។
រហូតដល់អាយុ ២ឆ្នាំម្តាយរបស់អ្នកបានរកឃើញដុំពកដែលរីកកាន់តែធំនៅលើចុងសុដន់របស់នាង ខ្លួនធំក្លិនអាក្រក់ ហើយស្បែកមានលក្ខណៈកន្ទួលក្រហមស្ទើរពេញខ្លួន។
នៅអាយុ៤ឆ្នាំ នាងបានចាប់ផ្តើមមករដូវ ដែលធ្វើឲ្យឪពុកម្តាយរបស់នាងមានការភ្ញាក់ផ្អើលយ៉ាងខ្លាំង។ បន្ទាប់មកពួកគេ បាននាំនាងទៅពិនិត្យ និងពិគ្រោះយោបល់ជាមួយវេជ្ជបណ្ឌិត។ លទ្ធផលបានបង្ហាញ កុមារីរូបនេះ មានជំងឺឆាប់ពេញវ័យ និងខ្សោយក្រពេញ Adrenal ដែលធ្វើឲ្យរំខានដល់អ័រម៉ូន។
ដូច្នេះដើម្បីព្យាបាល Emily ត្រូវបានវេជ្ជបណ្ឌិតចាក់ថ្នាំជារៀងរាល់ខែ ប៉ុន្តែវាអាចធ្វើឲ្យនាងកើតមានបញ្ហាថប់បារម្ភ និងធ្លាក់ទឹកចិត្ត៕
