យោងតាមសមាគមជំងឺមហារីកអាមេរិក បានឲ្យដឹងថា មនុស្សពេញវ័យចំនួនម្នាក់ក្នុងចំណោម ១១១នាក់ មានជំងឺមហារីកក្រពះ ហើយជំងឺនេះ ភាគច្រើនកើតមានទៅលើបុរស។ វេជ្ជបណ្ឌិត Umut Sarpel ជាអ្នកជំនាញផ្នែកវះកាត់បានបន្ថែមថា ហានិភ័យកើនឡើងនៃជំងឺនេះកាន់តែខ្លាំនៅពេលមនុស្សមានវ័យកាន់តែចាស់។
ដូច្នេះ ដើម្បីកាត់បន្ថយហានិភ័យប៉ះពាល់ដល់ជីវិត អ្នកគួរតែប្រញាប់ទៅជួបគ្រូពេទ្យភ្លាមប្រសិនបើឃើញរោគសញ្ញាដូចខាងក្រោមនេះ៖
ក្អួតមានលាយឈាម ឬលាមកមានលាយឈាម
លែងមានអារម្មណ៍ស្រែកឃ្លាន
ឧស្សាហ៍ឈឺចុកចាប់ក្នុងពោះ
បាត់បង់ទម្ងន់ដោយគ្មានមូលហេតុ
ក្រហាយទ្រូង មានបញ្ហារំលាយអាហារ
ហើមពោះ ឬចលនាពោះវៀនមិនប្រក្រតី
ប្រសិនបើអ្នកសង្កេតឃើញមានរោគសញ្ញាណាមួយដូចដែលបានបង្ហាញខាងលើនេះ គួរតែប្រញាប់ពិគ្រោះជាមួយគ្រូពេទ្យដើម្បីរកវិធីដោះស្រាយជាបន្ទាន់៕
