តាមពិតថ្នាំពន្យាកំណើតមានប្រសិទ្ធិភាពខ្ពស់ណាស់ ក្នុងការទប់ស្តាត់ការបញ្ចេញពងអូវុលមកជួបជាមួយនឹងមេជីវិតឈ្មោល ការផ្លាស់ប្តូរនៅក្នុងស្បូន… តែទោះជាយ៉ាងណាមានករណីមួយចំនួនអ្នកអាចបរាជ័យបាន ដោយសារតែមូលហេតុមួយចំនួន។
ការលេបថ្នាំមិនត្រឹមត្រូវ៖ ការភ្លេចលេបថ្នាំ ការក្អួតភ្លាមៗបន្ទាប់ពីលេបថ្នាំដោយពុំបានលេបម្តងទៀត ការទុកចោលថ្នាំនៅពេលផឹកគ្រឿងស្រវឹង ការលេបថ្នាំដំណាលគ្នាពេលញ៉ាំអាហារ និងភេសជ្ជៈផ្សេងៗ អាចកាត់បន្ថយប្រសិទ្ធភាពនៃថ្នាំ និងទប់ស្តាត់ការស្រូបយកជាតិថ្នាំ។
ការប្រើថ្នាំគ្មានគុណភាព៖ ការប្រើប្រាស់ថ្នាំហួសកំណត់ ការរក្សាទុកថ្នាំនៅកន្លែងមិនបានត្រឹមត្រូវ… ធ្វើឲ្យថ្នាំខូចគុណភាព ហើយអ្នកក៏អាចមានកូនដោយមិនដឹងខ្លួនផងដែរ។
ប្រើថ្នាំរួមជាមួយថ្នាំដទៃទៀត៖ នៅពេលដែលអ្នកលេបថ្នាំពន្យារកំណើតហើយ អ្នកទៅលេបថ្នាំព្យាបាលជំងឺផ្សេងទៀត វាអាចកាត់បន្ថយប្រសិទ្ធភាពនៃថ្នាំ និងការស្រូបយកជាតិថ្នាំ។
ហេតុដូច្នេះ មុនពេលប្រើថ្នាំ អ្នកគួរតែពិនិត្យមើលការបរិច្ឆេទ ឬអានការណែនាំពីរបៀបប្រើឲ្យបានច្បាស់ ពុំនោះទេអ្នកអាចសុមការប្រឹក្សាជាមួយអ្នកជំនាញឲ្យបានត្រឹមត្រូវអំពីការប្រើប្រាស់វិធីពន្យារកំណើតដែលសមស្របសម្រាប់ខ្លួនអ្នក៕
