បើយោងតាមការសិក្សាមួយនៅប្រទេសបារាំង បានរកឃើញថា មនុស្សប្រុសដែលចូលចិត្តញ៉ាំអាហារហិរ អាចជួយឲ្យកម្រិតអ័រម៉ូន Testosterone កើនឡើងខ្ពស់ និងមានចំណង់ផ្លូវភេទខ្លាំង។
ក្នុងចំណោមបុរសប្រមាណជា ១១៤ នាក់ មានអាយុចាប់ពី ១៨ ទៅ ៤៤ឆ្នាំ ត្រូវបានគេសាកល្បងញ៉ាំដំឡូងបារាំងចៀន ជាមួយនឹងទឹកជ្រលក់ដែលមានរសជាតិហិរ និងប្រៃ។ លទ្ធផលបានបង្ហាញថា បុរសដែលញ៉ាំរសជាតិហិរ អាចជួយឲ្យកម្រិតអ័រម៉ូន Testosterone កើនឡើងខ្ពស់ ស្របពេលដែលអ្នកញ៉ាំជាតិប្រៃមិនអាចជួយឲ្យកម្រិតអ័រម៉ូនកើនឡើងនោះទេ។
លោក Laurent Begue ដែលជាអ្នកដឹកនាំការសិក្សានេះបានបង្ហាញថា ការញ៉ាំអាហារមានរសជាតិហិរទៀងទាត់ បានរួមចំណែកដល់ការកើនឡើងនៃកម្រិតអ័រម៉ូន Testosterone ប៉ុន្តែការរកឃើញមួយនេះមនុស្សជាច្រើនមិនទាន់ដឹងនៅឡើយ។
ទោះជាយ៉ាងណា នៅមានកត្តាគួបផ្សំមួយចំនួនទៀត ដូចជា ហ្សែន សរីរវិទ្យា ផ្លូវចិត្ត ទម្លាប់នៃការរស់នៅ… ក៏ចូលរួមចំណែកជួយឲ្យបុរសមានឥទ្ធិពលផ្លូវភេទខ្លាំងផងដែរ៕
