តើសុភាពអ្នកដឹងទេថា ផ្លែល្ហុងទុំ និងប្រទាលកន្ទុយក្រពើ គឺជាឱសថដ៏ប្រសើរក្នុងការថែរក្សាសម្រស់? សារធាតុសំខាន់ៗដែលមាននៅក្នុងរបស់ទាំងពីរមុខនេះ អាចជួយកម្ចាត់ជាតិខ្លាញ់ ការពារស្បែកពីកាំរស្មី UV ជួយថែបំប៉នផ្ទៃមុខអោយម៉ដ្ឋរលាង ការពារស្បែកមិនអោយស្ងួត ប្រឆាំងនឹងភាពជ្រីវជ្រួញ កម្ចាត់រោមនៅលើផ្ទៃមុខ បំបាត់ស្នាមអុចខ្មៅៗ ក្នុងពេលតែមួយ។
ធាតុផ្សំ៖
ល្ហុងទុំមួយចំហៀង
សាច់ប្រទាល់កន្ទុយក្រពើស្រស់ ១ស្លាបព្រា
របៀបអនុវត្ត៖
១. យកសាច់ប្រទាលកន្ទុយក្រពើ និងល្ហុងទុំ កិនអោយក្លាយទៅជាល្បាយ។
២.បន្ទាប់មកចាប់ផ្តើមអនុវត្តលើផ្ទៃមុខរបស់អ្នកអោយសព្វ។
៣.ទុកអោយល្បាយជ្រាបចូលសាច់មុខប្រហែលជា ២០ នាទី។
៤.ចុងក្រោយត្រូវលាងសម្អាតជាមួយនឹងទឹកក្តៅឧណ្ឌៗ។
សូមអនុវត្តរូបមន្តមួយនេះអោយបានទៀងទាត់ យ៉ាងហោចណាស់ ២ ទៅ ៣ដង ក្នុងមួយសប្តាហ៍ ហើយអ្នកនឹងឃើញលទ្ធផលបណ្តើរៗបន្ទាប់ពីប្រើបានមួយសប្តាហ៍៕
