មូលហេតុចម្បងដែលបណ្តោលឲ្យសម្ពាធឈាមឡើងខ្ពស់ ឬជំងឺបេះដូង គឺការរស់នៅស្រណុកសុខស្រួលខ្លាំងពេក ខ្ជិលហាត់ប្រាណ ជាពិសេសចូលចិត្តញ៉ាំអាហារដែលខ្វះសារធាតុចិញ្ចឹម។
ក្រៅពីនេះ ការទទួលទានរបបអាហារដូចខាងក្រោមច្រើនពេក ក៏អាចកើតមានជំងឺទាំងពីរយ៉ាងនេះផងដែរ។
អំបិល
នៅពេលដែលអ្នកទទួលទានជាតិអំបិលច្រើនពេក សម្ពាធឈាមនឹងកើនឡើងខ្ពស់ បង្កឲ្យអន្តរាយដល់ការផ្គត់ផ្គងឈាមទៅកាន់បេះដូង តម្រងនោម ខួរក្បាល និងសរីរាង្គផ្សេងៗទៀត។
ស្ករ
ការទទួលទានស្ករច្រើនពេក ជាពិសេសស្ករកែច្នៃ និងស្ករសិប្បនិម្មិត អាចនាំឲ្យមានជំងឺលើសឈាម និងបញ្ហាបេះដូងធ្ងន់ធ្ងរ។
ដំឡូងបារាំងចៀន
ក្នុងការបរិភោគដំឡូងបារាំងចៀនកម្រិតមធ្យម ឬមួយមើមតូច អ្នកអាចទទួលបានជាតិខ្លាញ់ ១៩ក្រាម និងជាតិសូដ្យូម ២៧០មីលីក្រាម។ ចុះបើអ្នកទទួលទានកាន់តែច្រើន សារធាតុទាំងនេះនឹងកកុញក្នុងរាងកាយកាន់តែខ្លាំង ដែលធ្វើឲ្យមានបញ្ហាដល់សរសៃឈាម ឬបេះដូងគេចមិនរួចឡើយ។
សាច់ក្រហម
គ្រប់សាច់ក្រហមទាំងអស់មានផ្ទុកជាតិខ្លាញ់ដែលអាចបង្កឲ្យមានបញ្ហាបេះដូង និងប៉ះពាល់ដល់សរសៃឈាម។ ហេតុនេះអ្នកគួរតែកំណត់ការទទួលទានឲ្យបានសមស្រប។
សាច់កែច្នៃ
បញ្ហាបេះដូងភាគច្រើនតែងតែកើតឡើយដោយសារការទទួលទានសាច់កែច្នៃដូចជា សាច់ក្រក ហាំបឺហ្គ័រ សាច់ផាត់ ជាដើម។ ដើម្បីការពារបញ្ហាសម្ពាធឈាមឡើងខ្ពស់ និងរក្សាសុខភាពបេះដូងឲ្យមានសុខភាពល្អ គួរតែកាត់បន្ថយអាហារទាំងនេះ។
ដូចដែលបានរៀបរាប់ខាងលើ អ្នកគួរតែកាត់បន្ថយទទួលទាន ជាពិសេសសម្រាប់អ្នកមានសម្ពាធឈាមខ្ពស់ ឬបញ្ហាបេះដូងគួរតែតម៕
