តើសុភាពនារីទាំងឡាយកំពុងតែខ្វល់ខ្វាយចិត្ត ជាមួយនឹងបញ្ហាបបូរមាត់ខ្មៅមែនទេ? បើដូច្នោះមែនឈប់បារម្ភទៀតទៅ រមៀតអាចជួយបាន។ រមៀត ត្រូវបានគេប្រើសម្រាប់ផ្សំធ្វើជាផលិតផលថែរក្សាសម្រស់អស់រយ:ពេលជាច្រើនសតវត្សមកហើយ ហើយថ្មីៗនេះ អ្នកជំនាញបានរកឃើញថា រមៀត អាចព្យាបាលបញ្ហាបបូរមាត់ខ្មៅយ៉ាងមានប្រសិទ្ធភាពបំផុត។
ធាតុផ្សំ៖
- ម្សៅរមៀត ១ស្លាបព្រាបាយ
- ទឹកដោះគោជូរ ១ស្លាបព្រាកាហ្វេ
របៀអនុវត្ត៖
១. ចាប់ផ្តើមលាយធាតុផ្សំទាំងពីរមុខនេះ ឲ្យរលាយចូលគ្នាក្លាយជាល្បាយតែមួយ។
២. លាបល្បាយនេះនៅលើបបូរមាត់របស់អ្នក ហើយទុកពេញមួយយប់តែម្តង។
៣. នៅពេលព្រឹកឡើង សូមប្រើកន្សែងទន់ជ្រលក់ចូលទៅក្នុងទឹកក្តៅឧណ្ឌៗ ហើយជូតសម្អាតចេញ។
បន្ទាប់ពីអនុវត្តរូបមន្តធម្មជាតិមួយនេះត្រឹមរយ:ពេលពីរថ្ងៃ អ្នកនឹងឃើញប្រសិទ្ធភាពបណ្តើរៗ ប៉ុន្តែបបូរមាត់ប្រែជាពណ៌ស៊ីជម្ពូរយូរ ឬឆាប់អាស្រ័យទៅលើស្ថានភាពបបូរមាត់របស់អ្នកខ្មៅកម្រិតណា៕
