នៅពេលចម្អិនស៊ុត នរណាៗក៏បោះសំបករបស់វាដែរ ព្រោះយល់ថា គ្មានតម្លៃអ្វីតទៅទៀតឡើយ។ ប៉ុន្តែអ្នកជំនាញបានបង្ហាញថា សំបកស៊ុត អាចជួយព្យាបាលបញ្ហាសម្រស់ច្រើនយ៉ាង ហើយក្នុងចំណោមនោះ ស្បែកចាស់មុនអាយុក៏អាចដោះស្រាយបានដែរ។
តើធ្វើដូចម្តេចទើបអាចកាត់បន្ថយភាពចាស់ ធ្វើឲ្យអ្នកក្មេងជាងវ័យ? គ្មានអ្វីពិបាកទេ ប្រសិនបើអ្នកព្យាយាមអនុវត្តតាមវិធីសាមញ្ញៗដូចខាងក្រោម៖
ធាតុផ្សំ៖
- សំបកស៊ុតមាន់ កិនឲ្យម៉ត់ជាម្សៅចំនួន៣ស្លាបព្រាកាហ្វេ
- ទឹកដោះគោជូរ ៣ស្លាបព្រាកាហ្វេ
- ម្សៅរមៀតមួយចុងស្លាបព្រាកាហ្វេ
របៀបអនុវត្ត៖
១.យកធាតុផ្សំទាំងអស់នេះលាយបញ្ចូលគ្នាឲ្យក្លាយជាល្បាយតែមួយ។
២.លាបឲ្យពេញផ្ទៃមុខ រួចទុកចោលរយ:ពេល ២០នាទី ទើបលាងសម្អាតជាមួយនឹងទឹកក្តៅឧណ្ឌៗ។
៣.សូមព្យាយាមអនុវត្តវិធីនេះ មុនពេលចូលគេងជាប្រចាំ បញ្ហាស្នាមជ្រួញនៅលើផ្ទៃមុខរបស់អ្នកនឹងរលប់បាត់បន្តិចម្តងៗ ហើយអ្នកនឹងមានសម្រស់ក្មេងជាវ័យដូចបំណង៕
