រដូវរងាចូលមកដល់ ជំងឺផ្តាសាយក៏ផ្ទុះឡើងផងដែរ ជាពិសេសចំពោះមនុស្សមានវ័យចំណាស់ និងក្មេងតូចៗតែម្តង។ ជំងឺនេះអាចធ្វើឲ្យកុមារមិនស្រណុលក្នុងខ្លួន ពិបាកដកដង្ហើម ហើយរំខានដល់ការគេងថែមទៀត។ អាស្រ័យហេតុនេះឪពុកម្តាយទាំងឡាយគួរចេះសង្កេតមើលរោគសញ្ញាមួយចំនួន ដើម្បីបញ្ចូនកូនទៅមន្ទីរពេទ្យធ្វើការព្យាបាលបានទាន់ពេលវេលា។
- គ្រុនក្តៅភ្លាមៗ ជាធម្មតាលើសពី៣៨អង្សារសេ
- ក្អកញឹកញាប់ (ក្អកស្ងួត)
- ឈឺក ពិបាកលេបអាហារ ឬនិយាយមិនចង់ចេញ
- ហៀរសំបោរ តឹងច្រមុះ
- ហូរឈាមតាមច្រមុះ ឬភ្នែកក្រហម
- ឈឺខ្លួន
- ឈឺក្បាល
- គ្មានកម្លាំង
- រាគរូស
- ចង្អោរ និងក្អួត
ដើម្បីការពារកុំឲ្យកុមារកើតជំងឺគ្រុនផ្តាសាយធំ ក្រៅធ្វើអនាម័យទៅលើទម្លាប់រស់នៅប្រចាំថ្ងៃ អាណាព្យាបាលគួរនាំកូនទៅចាក់វ៉ាក់សាំងទើបជាវិធីដ៏ប្រសើរបំផុត៕
