ទោះបីជាថ្នាំពន្យាកំណើតជាជម្រើសដ៏ល្អបំផុតសម្រាប់គូស្នេហ៍ដែលមិនទាន់ចង់បានកូនក៏ដោយ ប៉ុន្តែមនុស្សមួយភាគធំមិនទាន់ដឹងពីផលប៉ះពាល់របស់វានៅឡើយ។បើយោងតាមការស្រាវជ្រាវបានបង្ហាញឲ្យដឹងថា ការប្រើប្រាស់ថ្នាំគ្រាប់ពន្យារកំណើតអាចធ្វើឲ្យស្ត្រីមានបញ្ហាឡើងទម្ងន់ អស់កម្លាំង កើតជំងឺធ្លាក់ទឹកចិត្ត ក្អួតចង្អោរ ។ល។ ក្រៅពីនេះ នៅមានផលអាក្រក់មួយចំនួនទៀត ដែលស្រីៗគួរតែស្វែងយល់ឲ្យបានច្បាស់។
កំណកឈាមក្នុងរាងកាយ៖ ការកកឈាមនៅក្នុងរាងកាយ គឺជាផលប៉ះពាល់មិនប្រក្រតីមួយនៃការប្រើប្រាស់ថ្នាំគ្រាប់ពន្យារកំណើតរយៈពេលយូរ ជាពិសេសប្រសិនបើស្ត្រីទាំងនោះមានទម្លាប់ជក់បារី ឬលើសទ្ងន់ គឺកាន់តែជួបទុក្ខលំបាក់ធ្ងន់ធ្ងរ។
ប៉ះពាល់ដល់ភ្នែក៖ ការប្រើប្រាស់ថ្នាំគ្រាប់ពន្យារកំណើតរយៈពេលយូរ អាចបង្កមានគ្រោះថ្នាក់ដល់ភ្នែក ដូចជា ភ្នែកស្ងួត រមាស់ ព្រិលមើលមិនច្បាស់ ហើយរាងកាយអាចខ្សោះជាតិទឹកថែមទៀត។
ឆ្លងមេរោគ៖ វាគ្មានសុវត្ថិភាពនោះទេ ប្រសិនបើអ្នកប្រើប្រាស់ថ្នាំគ្រាប់ពន្យារកំណើតទៀងទាត់ ព្រោះវាអាចបណ្តោយឲ្យអ័រម៉ូនក្នុងរាងកាយមានការប្រែប្រួល ហើយបង្កឲ្យទ្វារមាសស្ងួត និងឆ្លងមេរោគផ្សិត។
ឈឺក្បាលប្រកាំង៖ បើតាមការស្រាវជ្រាវមួយបានរកឃើញថា ការប្រើប្រាស់ថ្នាំគ្រាប់ពន្យារកំណើត អាចបណ្តោលឲ្យស្ត្រីមួយចំនួនមានអាការៈឈឺក្បាលប្រកាំង រួមទាំងផលប៉ះពាល់តូចតាចមួយចំនួនទៀតផងដែរ។
ឈឺចាប់ពេលរួមភេទ៖ ការឈឺចាប់ក្នុងពេលរួមភេទ គឺជាផលប៉ះពាល់មួយទៀត នៃការប្រើប្រាស់ថ្នាំគ្រាប់ពន្យារកំណើត។ នេះក៏ដោយសារតែថ្នាំ ធ្វើឲ្យមានការឈឺចាប់អាងត្រគាក និងទ្វារមាសស្ងួត។
លែងមានចំណង់ផ្លូវភេទ៖ សូមចង់ចាំថា ជាតិដែកមាននៅក្នុងថ្នាំគ្រាប់ពន្យារកំណើត ក៏អាចបណ្តោលឲ្យស្ត្រីបាត់បង់ចំណង់ផ្លូវភេទដែរ។ ដូច្នេះអ្នកគួរតែគិតឡើងវិញ ព្រោះមានវិធីពន្យារកំណើតច្រើនបែបណាស់ ដែលអ្នកអាចជ្រើសរើសបាន៕
ហេតុអ្វីប្រើថ្នាំពន្យាកំណើតហើយនៅតែអាចមានកូនទៀត?
ការប្រើប្រាស់ថ្នាំពន្យាកំណើត គឺជាជម្រើសដ៏ល្អមួយសម្រាប់តែគូស្នេហ៍ដែលមិនទាន់ចង់បានកូន ក៏ប៉ុន្តែមានករណីមួយចំនួនទោះបីជាប្រើប្រាស់ថ្នាំពន្យាកំណើតហើយក៏នៅតែមានកូនដែរ តើមកពីហេតុអ្វីទៅ? បើតាមសំដីរសប់លោកវេជ្ជបណ្ឌិត Manu Asha បានមានប្រសាសន៍ថា ថ្នាំគ្រាប់ពន្យាកំណើតមានប្រសិទ្ធភាពតែ ៩៩ភាគរយប៉ុណ្ណោះ ហើយ១ភាគរយទៀតគឺអាស្រ័យទៅលើពេលវេលា និងទម្លាប់របស់អ្នក។
ការប្រើប្រស់ថ្នាំពន្យាកំណើតដើម្បីគ្រប់គ្រងអ័រម៉ូននៅក្នុងរាងកាយ ដូច្នេះរឿងសំខាន់ដែលអ្នកត្រូវធ្វើ គឺទម្លាប់លេបថ្នាំឲ្យទៀងពេល កុំរំលងសូម្បីតែមួយថ្ងៃ។ ការខកខានតែមួយថ្ងៃកម្រិតអ័រម៉ូនរបស់អ្នកនឹងថយចុះ ហើយអាស្រ័យទៅលើវដ្តរដូវទៀតនោះ ឱកាសនៃការមានកូននឹងកើតមានឡើង បើអ្នករួមភេទចំពេលនេះ។
ម្យ៉ាងវិញទៀត ប្រសិនបើអ្នកញ៉ាំស្រាច្រើនក៏ធ្វើឲ្យការពន្យាកំណើតត្រូបរាជ័យដែរ ព្រោះស្រាអាចប៉ះពាល់ដល់ការស្រូបយកនៃអ័រម៉ូនពីគ្រាន់គ្រាប់ទាំងនេះ ដូច្នេះវានឹងលែងមានប្រសិទ្ធភាបទៀតហើយ។
ដូច្នេះ ពន្យាកំណើតឲ្យមានប្រសិទ្ធភាព អ្នកត្រូវទម្លាប់លេបថ្នាំឲ្យទៀងទាត់ជាប្រចាំ ហើយនៅឲ្យឆ្ងាយពីគ្រឿងស្រវឹង៕
នៅពេលតាំងគភ៌ ញ៉ាំថ្នាំពន្យារកំណើត មានបញ្ហាអ្វីកើតឡើង?
ពិតប្រាកដណាស់ គ្មានស្ត្រីណាម្នាក់បានដឹងថា ខ្លួនកំពុងតាំងគភ៌ ខណៈដែលនាងកំពុងតែប្រើប្រាស់ថ្នាំពន្យារកំណើតឡើយ ។ នៅក្នុងករណីខ្លះការតាំងគភ៌អាចកើតឡើងបាន នៅក្នុងករណីដែលបានប្រើថ្នាំពន្យារកំណើត ដោយស្ត្រីពពោះមិនបានដឹងខ្លួនជាមុនថា នាងកំពុងតែតាំងគភ៌ ហើយនឹងកំពុងប្រើប្រាស់ថ្នាំទៅតាមការកំណត់នៃថ្នាំ ក៏ប៉ុន្ដែយ៉ាងមិញបញ្ហានេះ អាចកើតឡើងចំពោះស្ត្រីដែលមិនមានប្រាថ្នាចង់បានបុត្រ និងកំណត់ពេលវេលាយកបុត្រ។ ប្រសិនបើអ្នកកំពុងស្ថិតនៅក្នុងករណីខាងលើនេះ តើវាអាចមានគ្រោះថ្នាក់ដល់ទារកដែលកំពុងតែចាប់កំណើតដែរឬទេ?
១.តើមានគ្រោះថ្នាក់អាក្រក់ដែលឬទេ?
ខណៈបច្ចុប្បន្ននេះ នៅមិនទាន់មានភស្តុតាងណាមួយដែលបានអះអាងថា ថ្នាំពន្យាកំណើតអាចបង្កគ្រោះថ្នាក់អាក្រក់ដល់ទារកនៅក្នុងផ្ទៃបានឡើយ។
២.តើអ្នកជំនាញសុខភាព ឬគ្រូពេទ្យ មានការពឹក្សាបែបណា?
អ្នកជំនាញសុខភាពបានពោលថា ការប្រថុយប្រថាណនៃការតាំងគភ៌ក្រៅស្បូន អាចមានឱកាសកើតឡើង ប្រសិនបើស្ត្រីនោះនៅតែបន្ដប្រើថ្នាំពន្យារកំណើត ដោយនាងមិនបានដឹងខ្លួនសោះ ថានាងកំពុងតាំងគភ៌។
៣.តើមានហានិភ័យអ្វីខ្លះ?
បើទោះបីជាមនុស្សជាច្រើនបានគិតថា ហានិភ័យនោះអាចកើតឡើងនៅពេលក្រោយប្រសូតបុត្រមុនកំណត់ នោះទារកមានគីឡូតិច ហើយត្រូវមានការចិញ្ចឹមនៅក្នុងកែវរបស់ទារក តែយ៉ាងណាមិញ អ្នកជំនាញសុខភាពបានប្រាប់ថា ហាននិភ័យគឺមានអាត្រាទាបបំផុត។
៤.តើគួរពឹក្សាជាមួយពេទ្យអំពីអ្វីខ្លះ?
បើទោះបីជាហានិភ័យមានតិចយ៉ាងណាក៏ដោយ ប្រសិនបើអ្នកសង្ស័យថា មានកូនហើយ សូមទៅពិគ្រោះជាមួយគ្រូពេទ្យជាបន្ទាន់ សូមការណែនាំអំពីសុខភាព ការឈប់ប្រើប្រាស់ថ្នាំពន្យារកំណើត ព្រមទាំងពិគ្រោះអំពីគម្រោងនៃការយកបុត្រផងដែរ៕
