តើអ្នកចង់បានកូនភ្លោះមែនទេ? ភាគច្រើនការមានកូនភ្លោះគឺអាស្រ័យទៅលើកត្តាហ្សែន ឬកត្តាធម្មជាតិដែលកំណត់មកលើមនុស្សស្រីម្នាក់។ ក៏ប៉ុន្តែក្រៅពីកត្តាទាំងនេះ នៅមានរឿងមួយចំនួនទៀង អ្នកអាចគ្រប់គ្រងខ្លួនឯងបាន ទោះបីជាមិនបាន ១០០ភាគរយក ក៏អាចមានឱកាស ៣០ភាគរយដែរ។
ខាងក្រោមនេះ គឺជាលក្ខខណ្ឌ ៤យ៉ាង ដែលអាចឲ្យអ្នកមានឱកាសមានកូនភ្លោះ ខ្ពស់ជាងមនុស្សស្រីផ្សេងទៀត៖
១.យកកូនបន្ទាប់ពីឈប់ប្រើថ្នាំពន្យាកំណើតភ្លាម
នៅពេលដែលប្រើប្រាស់ថ្នាំពន្យាកំណើត អ័រម៉ូននៅក្នុងរាងកាយរបស់មនុស្សស្រីត្រូវបានគ្រប់គ្រងទៅដោយថ្នាំ ដែលរារាំងមិនឲ្យមានផ្ទៃពោះឡើយ។ ក៏ប៉ុន្តែ ក្រោយពេលបញ្ឈប់ប្រើថ្នាំភ្លាម អ័ម៉ូននឹងចាប់ផ្តើមត្រលប់មករកភាពដើមវិញ ហើយការយកកូនភ្លាមឱកាសនៃការមានកូនភ្លោះក៏កាន់តែច្រើនឡើងដែរ។
២.ស្ត្រីដែលចិញ្ចឹមកូនដោយទឹកដោះ
ការសិក្សាថ្មីមួយបានបង្ហាញថា អ្នកដែលធ្លាប់បំបៅដោយកូនជាលើកទី១ នៅពេលកូនក្រោយៗអាចមានឱកាសនៃការមានកូនភ្លោះរហូតល់ទៅ ៩ដង បើប្រៀបធៀបជាមួយនឹងស្ត្រីជាម្តាយផ្សេងទៀតដោយមិនបានបំបៅកូនដោយទឹកដោះសោះ។
៣.ស្ត្រីវ័យចំណាស់
ស្ត្រីដែលមានវ័យចំណាស់ត្រូវបានអ្នកជំនាញទទួលស្គាល់ផងដែរថា ពិតជាមានឱកាសមានកូនភ្លោះច្រើនជាងនារីនៅវ័យក្មេង ក៏ប៉ុន្តែពួកគេក៏ប្រឈមនឹងហានិភ័យរលូតកូនខ្ពស់ផងដែរ ។
៤.ការទទួលទានរបបអាហារ
ការទទួលអាហារដូចជា ដំឡូងជ្វា អាចធ្វើឲ្យស្ត្រីមានឱកាសមានកូនភ្លោះរហូតដល់ ៥ដង គឺច្ពស់ជាងស្ត្រីផ្សេងទៀតដែលមិនបានទទួលទានអាហារប្រភេទនេះ។ ដូច្នេះ ការទទួលទានអាហារប្រភេទនេះ ក៏ត្រូវបានគេចាត់ទុកជាវិធីបង្កើនឱកាសក្នុងការមានកូនភ្លោះផងដែរ៕
៥.ប្រវត្តិគ្រួសារ
សម្រាប់ស្ត្រីដែលមានប្រវត្តិគ្រួសារដែលធ្លាប់មានកូនភ្លោះ គឺកូនមានភាគរយខ្ពស់ក្នុងការមានកូនភ្លោះដូចម្តាយដែរ។
សញ្ញា៣យ៉ាង បញ្ជាក់ថាអ្នកមានកូនភ្លោះហើយ
ស្ដ្រីគ្រប់រូបដល់វេលាមានផ្ទៃពោះ នឹងមានអ័រម៉ូនក្នុងលំដាប់ខ្ពស់ច្រើនជាងធម្មតា ធ្វើឲ្យអ្នកមានអារម្មណ៍ថា ខ្លួនដូចជាមានផ្ទៃពោះ។ អ្នកម្ដាយមួយចំនួនជ្រើសរើសវិធីពិនិត្យផ្ទៃពោះ ដោយខ្លួនឯងនៅផ្ទះ ក៏ប៉ុន្ដែអ្នកម្ដាយមួយចំនួនទៀតប្រើវិធីសាស្ដ្រពិគ្រោះជាមួយអ្នកជំនាញ ឬគ្រូពេទ្យ នៅមន្ទីរពេទ្យ ហើយប្រសិនបើអ័រម៉ូនរបស់អ្នកមានកំណើនខ្លាំង នេះស្ថិតនៅក្នុងការសន្និដ្ឋានថា អ្នកអាចនឹងមានកូនភ្លោះហើយ។
នេះជាវិធីសង្កេតដើម្បីឲ្យប្រាដកថា ខ្លួនកំពុងមានកូនភ្លោះ៖
១/ ពិនិត្យឈាម
ខណៈពិនិត្យថា អ័រម៉ូនអ្នកក្នុងក្រុម HCG ហើយកម្រិតអ័រម៉ូនឡើងខ្ពស់ជាងធម្មតា គ្រូពេទ្យអាចសន្និដ្ឋានបានថា អ្នកនឹងមានកូនភ្លោះ ហើយបើកម្រិតឈាមមាន HCG ខ្ពស់ជាធម្មតាដែលនោះ គ្រូពេទ្យអាចនឹងពិនិត្យលម្អិតជាងនេះ ព្រោះថាក្រៅពីពពោះធម្មតាហើយ ក៏ត្រូវមានអាការៈមានកូនភ្លោះ ឬបើគ្មាន គឺណែនាំឲ្យរក្សាការ ថែផ្ទៃពោះត្រឹមត្រូវតាមក្បូនពេទ្យផងដែរ ។
២/ អាការៈចាញ់ខ្លាំងខុសធម្មតា
នៅពេលដែលមានកូនភ្លោះ អ័រម៉ូនគ្រប់យ៉ាងអាចច្រើនឡើងពេញខ្លួន អ្នកអាចមានអាការៈចាញ់កូនខុសពីធម្មតា រហូតដល់ឃើញច្បាស់ថា អ្នកខ្លះប្រាប់ថា ចាញ់កូនខ្លាំងរហូតដល់ថ្នាក់ធ្វើអ្វីលែងកើត អ្នកម្ដាយខ្លះទៀតអាចមានអារម្មណ៍វិលវល់មិនដឹងទៅណា ងងឹតមុខ អារម្មណ៍ឆេវឆាវ ដែលជាអារម្មណ៍របស់អ្នកមិនធ្លាប់ជួបពីមុន ។ ដូច្នោះហើយអ្នកម្ដាយគ្រប់អាចនឹងជួបស្ថានការណ៍ចាញ់កូនដ៏សែនលំបាកនេះ នឹងមានអារម្មណ៍មិនហ្នឹង-ន យ៉ាងធ្ងន់ខ្លួន អ៊ីចឹងគ្រប់គ្នាជាក្រុមគ្រួសារដែលនៅជុំវិញអ្នកម្ដាយ ត្រូវយល់អ្នកសម្រួលទៅអារម្មណ៍របស់អ្នក កំពុងពពោះ ហើយជួយថែរក្សាអ្នកមានទម្ងន់ រហូតដល់ឆ្លងផុតដំណាក់កាលនេះ ។
៣/ ពោះប៉ោងធំ និងឡើងគីឡូខុសធម្មតា
បើទោះបីជាក្នុងករណីជាច្រើនបង្ហាញថា អ្នកម្ដាយគ្រប់រូបមានសភាពពោះធំ នឹងឡើងគីឡូលឿនខុសធម្មតា នោះមិនអាចបង្ហាញ មួយភាគរយថា មានកូនភ្លោះឡើយ លុះត្រាអ្នកម្ដាយនោះមានអាការៈពោលខាងលើរួមផ្សំ នឹងមានការឡើងគីឡូខុសពីម្ដាយមានផ្ទៃពោះដទៃខ្លាំង ។ ចំពោះអ្នកម្ដាយភាគច្រើន ធម្មតាអាចនឹងឃើញផ្ទៃពោះខ្លួន ឡើងធំច្បាស់នៅរយៈពេល ៥ ខែឡើងទៅ រីឯសម្រាប់អ្នកម្ដាយដែលមានកូនភ្លោះ អាចឃើញផ្ទៃពោះឡើងធំនៅក្នុងរយៈពេល ៣ខែ ហើយមានអារម្មណ៍ថាធ្ងន់ខ្លួនខុសប្រក្រតី នេះជាសញ្ញាបញ្ជាក់ថា អ្នកម្ដាយកំពុងពរពោះកូនភ្លោះជាក់ជាប្រាកដណាស់៕
