មានគូរស្នេហ៍ជាច្រើននៅតែមានចម្ងល់ក្នុងចិត្ត ហើយមិនហ៊ានសួរអ្នកណាឡើយ ចំពោះបញ្ហាសុវត្ថិភាពក្នុងការរួមភេទពេលមានផ្ទៃពោះ។ ដូច្នេះថ្ងៃនេះ BabyandMom និងធ្វើការបង្ហាញឲ្យគូរស្នេហ៍ទាំងឡាយអស់ចម្ងល់ទាំងនេះ។
បើយោងតាមអ្នកជំនាញបានបង្ហាញថា ការរួមភេទក្នុងអំឡុងពេលមាផ្ទៃពោះមិនបង្កគ្រោះថ្នាក់នោះទេ ប្រសិនបើអ្នកដឹងពីសកម្មភាពក្នុងការគ្រប់គ្រង។
អ្នកត្រូវចាំថា ពេលមានផ្ទៃពោះ ស្បូនរបស់មនុស្សស្រីមានភាពរឹងមាំខ្លាំងណាស់ ដែលអាចកាពារសរីរាង្គភេទបុរសមិនឲ្យប៉ះពាក់ដល់ទារកឡើយ ហើយវាក៏អាចការពារពីការឆ្លងមេរោគផ្សេងៗ តាមរយៈការបញ្ចេញសារធាតុរាវខាប់ៗដើម្បីទប់ទល់ផងដែរ។
ប៉ុន្តែអ្វីដែលគួរឲ្យបារម្ភនោះ គឺសកម្មភាពក្នុងការរួមភេទ ប្រសិនបើអ្នកធ្វើឲ្យមានសម្ពាធដល់ពោះ កូនរបស់អ្នកក៏ប៉ះពាល់ដូចគ្នាដែរ។ ហេតុនេះ សូមប្រើឥរិយាបទណាដែលមិនប៉ះពាល់ដល់ពោះ ឬឲ្យខាងស្រីនៅខាងលើជាអ្នកគ្រប់គ្រងវិញ។
ម្យ៉ាងវិញទៀត ប្រសិនបើអ្នកចង់រួមភេទ គួរតែជៀសវាង ក្នុងត្រីមាសដំបូង និងខែចុងក្រោយ។ ដោយសារតែត្រីមាសដំបូង ជាពេលវេលាដ៏សំខាន់ដែលទារកត្រូវការអភិវឌ្ឍ ហើយចំណែកឯខែចុងក្រោយទារកអាចប្រឈមនឹងការរបូតទងសុខ ប្រសិនបើសកម្មភាពខ្លាំង៕
សំខាន់ខ្លាំងណាស់មែនទេ ទើបស្ត្រីមានផ្ទៃពោះគួររួមភេទ
មនុស្សភាគច្រើនមិនហ៊ានប្រព្រឹត្តិសកម្មភាពរួមភេទ អំឡុងពេលមានផ្ទៃពោះនោះទេ ព្រោះខ្លាចបង្កឲ្យប៉ះពាល់ដល់កូនក្នុងផ្ទៃ។ ប៉ុន្តែតាមការស្រាវជ្រាវបានបង្ហាញថា ប្រសិនបើអ្នករួមភេទបានត្រឹមត្រូវ មិនត្រឹមតែមិនប៉ះពាល់នោះទេ វាថែមទាំងជួយពង្រឹងសាច់ដុំឲ្យមានកម្លាំងសម្រាប់បំពេញតួនាទីពេលសម្រាលថែមទៀត។
ក្រៅពីនេះ ការរួមភេទអំឡុងពេលមានផ្ទៃពោះ អាចទទួលបានូវអត្ថប្រយោជន៍ជាច្រើនទៀត៖
កាត់បន្ថយភាពតានតឹង
នៅពេលរួមភេទ រាងកាយនឹងបញ្ចេញអ័រម៉ូន អ័រម៉ូនអុកស៊ីតូ ដែលធ្វើឲ្យអារម្មណ៍តានតឹងនៅក្នុងខ្លួនរបស់អ្នកត្រូវរំសាយ។ លើសពីនេះការរួមភេទពេលមានផ្ទៃពោះ ធ្វើឲ្យអារម្មណ៍ស្ងប់ស្ងាត់ ហើយអាចកាត់បន្ថយសម្ពាធឈាមផងដែរ។
គេងលក់ស្រួល
នៅពេលមានផ្ទៃពោះ ស្ត្រីច្បាស់ជាជួបប្រទះនូវបញ្ហារាប់សិបជំពូក មិនថាការឈឺចាប់រាងកាយ នោមញឹក ឬគេងឧស្សាហ៍ភ្ញាក់នោះឡើយ។ ក៏ប៉ុន្តែ ប្រសិនបើអ្នករួមភេទឈានដល់ចំណុកកំពូល អារម្មណ៍ទាំងនេះនឹងលុបបំបាត់ទៅដោយមិនដឹងខ្លួន ចំណែកឯការគេងរបស់អ្នកក៏មានភាពស្ងប់ស្រួលផងដែរ។
កាត់បន្ថយការឈឺចាប់
ការរួមភេទអំឡុងពេលនេះ អ័រម៉ូននៅក្នុងរាងកាយមួយចំនួនត្រូវបានបញ្ចេញ ដែលអាចជួយបង្កើនដល់លំហូរឈាមទៅកាន់អាងត្រគាក រួមទាំងទ្វារមាសផងដែរ។ នេះហើយជាមូលហេតុមួយដែលធ្វើឲ្យការឈឺចាប់របស់ស្ត្រីមានផ្ទៃពោះ បាត់ទៅដោយមិនដឹងខ្លួន៕
