តើអ្នកមានផ្ទៃពោះប៉ុន្មាខែហើយ? ការមានផ្ទៃពោះកំឡុង៣ខែដំបូងពិតជាមានសារសំខាន់ខ្លាំងណាស់ ព្រោះវាជាដំណាក់កាលដំបូងដែលទារកកំពុងតែអភិវឌ្ឍសរីរង្គផ្សេងៗ។
ក្រោយឆ្លងកាត់ការមានផ្ទៃពោះត្រីមាសដំបូងមិនមែនមាន័យថា អ្នកឆ្លងផុតឧបសគ្គទាំងអស់នោះទេ គឺនៅមានរឿងជាច្រើនទៀតដែលស្ត្រីត្រូវជួបប្រទះ។ ក៏ប៉ុន្តែបន្ទាប់ពីឆ្លងផុតការមានផ្ទៃពោះ ៣ខែដំបូង អ្នកត្រូវជៀសវាងរឿងមួយចំនួនទៀត ដើម្បីការពារកុំឲ្យមានគ្រោះថ្នាក់ដល់កូន។
-រាល់របស់ធ្ងន់ៗកុំលើកឲ្យសោះ គឺត្រូវទុកឲ្យស្វាមីរបស់អ្នកធ្វើជំនួសវិញ
-អាហារហិរ ត្រូវតែជៀសវាង ព្រោះទារកក៏ចេះហិរដូចអ្នកដែល
-កាត់បន្ថយការទទួលទានកាហ្វេ ត្រឹមតែ ១ពែងក្នុងមួយថ្ងៃបានហើយ
-ហាមដាច់ខាតគ្រឿងស្រវឹង ដោយសារតែវាអាចប៉ះពាល់ដល់សុខភាពទារកធ្ងន់ធ្ងរ
-កុំស្លៀកសម្លៀកបំពាក់តឹងណែន ជាពិសេសខោខូប៉ូយ
-បំភ្លេចស្បែកជើងកែងចោលចោលសិនទៅ ហើយគួរតែជំនួសស្បែកជើងដែលមានបាតរាបស្មើវិញ
-ជៀសវាងគិតរឿងពិបាកចិត្ត ដែលនាំឲ្យកើតជំងឺស្ត្រេស ធ្វើឲ្យប៉ះពាល់ដល់សុខភាពទារកក្នុងផ្ទៃ
ត្រូវចាំថា បន្ទាប់ពីមានផ្ទៃពោះ៣ខែ ពោះរបស់អ្នកនឹងរីកធំបន្តិចម្តងៗ ហើយរាល់សកម្មភាពផ្សេងៗក៏ងាយនឹងមានផលប៉ះពាល់ដែរ ដូច្នេះត្រូវតែមានការប្រុងប្រយ័ត្នបន្តិច៕
មានផ្ទៃពោះ៣ខែចុងក្រោយ ហាមគេងបែបនេះដាច់ខាត!
ឥរិយាបទក្នុងការគេងរបស់ស្ត្រីមានផ្ទៃពោះ ពិតជាមានសារៈសំខាន់ខ្លាំងណាស់ ជាពិសេស ក្នុងដំណាក់កាលចុងក្រោយនៃការមានផ្ទៃពោះ។
ស្ត្រីគ្រប់រូបត្រូវដឹងថា ការគេងផ្អៀងទៅផ្នែកខាងឆ្វេងក្នុងអំឡុងពេលមានផ្ទៃពោះ អ្នកអាចគេងឧស្សាហ៍ភ្ញាក់ដឹងខ្លួន ដោយសារតែទាកមានសកម្មភាពរើសបំរាស់ខ្លាំងពេក។ ផ្ទុយទៅវិញប្រសិនបើអ្នកគេងបែរទៅខាងស្តាំ អាចលេលក់ស្រួលជាង ដោយសារតែមានសកម្មភាពតិច។
ទោះជាយ៉ាងណា បើយោងតាមការស្រាវជ្រាវបានរកឃើញថា ការគេងផ្ងារ អាចបណ្តោលឲ្យទារកស្លាប់នៅក្នុងផ្ទៃ ដោយសារតែទម្ងន់នៃទារក ដាក់សម្ពាធធ្ងន់ទៅលើសរសៃឈាមសំខាន់ៗរបស់អ្នកម្តាយ។ នៅពេលដែលសរសៃឈាមសំខាន់ៗរបស់អ្នកម្តាយរាំងស្ទះ ការបញ្ចូនឈាម និងសារធាតុចិញ្ចឹម ទៅកាន់ទារត្រូវបានកាត់ផ្តាច់ ទីបំផុតចង្វាក់បេះដូងរបស់ទារកមានការផ្លាស់ប្តូរ និងបាត់បង់ជីវិតតែម្តង។
ហេតុនេះ ជាមូលហេតុដែលស្ត្រីមានផ្ទៃពោះទាំងអស់ត្រូវប្រុងប្រយ័ត្នចំពោះការគេងផ្ងារពោះ ជាពិសេសនៅ ៣ខែចុងក្រោយ ត្រូវគេងផ្អៀងទៅស្តាំជានិច្ច៕
