តើអ្នកមានធ្លាប់ លឺការហាត់យូហ្គា ដែរឬទេ? ហេតុអ្វីបានជាមនុស្សជាច្រើនចូលចិត្តម្ល៉េះ ជាពិសេសសូម្បីតែស្ត្រីមានផ្ទៃពោះក៏ត្រូវបានគេណែនាំឲ្យហាត់ដូចគ្នា? តាមពិតយូហ្គា គឺជាលំហាត់ប្រាណបែបតាំងសមាធិ និងកាយវិកាមួយៗ ដែលអាចជួយលើកកម្ពស់ទាំងផ្លូវការ និងផ្លូវចិត្តរបស់មនុស្សគ្រប់រូប។
ក៏ប៉ុន្តែចំពោះស្ត្រីមានផ្ទៃពោះវិញ ប្រសិនបើធ្វើលំហាត់ប្រាណយូហ្គា អាចទទួលបានអត្ថប្រយោជន៍ច្រើនយ៉ាង ដែលគ្រប់គ្នានឹកស្មានមិនដល់។
១.ការធ្វើលំហាត់ប្រាណយូហ្គា អាចជួយកែលម្អរចរាចរឈាមនៅក្នុងរាងកាយ និងធ្វើឲ្យអ្នកមានសកម្មភាបរហ័សរហួន។
២.ទម្លាប់ធ្វើលំហាត់ប្រាណយូហ្គា ជាប្រចាំអាចជួយកាត់បន្ថយការឈឺចាប់ជុំវិញមាត់ស្បូន និងតំបន់អាងត្រគាក ហើយសូម្បីតែបញ្ហាទល់លាមករបស់ស្ត្រីមានផ្ទៃពោះអាចដោះស្រាយបានដែរ។
៣.ការធ្វើលំហាត់ប្រាណយូហ្គា ដោយដកដង្ហើមមួយជ្រៅៗ ធ្វើឲ្យអ្នកមានអារម្មណ៍ស្ងប់ស្ងាត់ និងបន្ធូរបន្ថយអារម្មណ៍អន្ទះសារ អំឡុងពេលឈឺពោះសម្រាលកូន។
៤.ការហាត់យូហ្គា អាចជួយការពារបញ្ហាខ្វះអុកស៊ីសែន ពង្រឹងបេះដូង និងសួត ឲ្យមានសុខភាពល្អ។
៥.អត្ថប្រយោជន៍ចុងក្រោយនៃការហាត់យូហ្គា គឺអាចជួយពង្រឹងសាច់ដុំអាងត្រគាក កាត់បន្ថយហានិភ័យកូនកើតមិនគ្រប់ខែ និងងាយស្រួលក្នុងការសម្រាល។
តែទោះជាយ៉ាងណាក៏ដោយ ដើម្បីទទួលបានអត្ថប្រយោជន៍ពេញលេញពីការធ្វើលំហាត់ប្រាណយូហ្គា និងការពារផលប៉ះពាល់ ស្ត្រីមានផ្ទៃពោះគួរតែទទួលបានការណែនាំពីអ្នកជំនាញ៕
