ការមានផ្ទៃពោះ គឺជាដំណាក់កាលដ៏សំខាន់បំផុតសម្រាប់មនុស្សស្រីទាំងឡាយ ដែលត្រូវថែរក្សាខ្លួនបានឲ្យល្អ ដើម្បីសុត្ថិភាពកូនក្នុងផ្ទៃ។ ប៉ន្តែទន្ទឹមនឹងថែរក្សាខ្លួន អ្នកក៏ត្រូវជៀសវាងទម្លាប់មួយចំនួនផងដែរ ព្រោះវាអាចបង្កឲ្យមានគ្រោះនឹងស្មានមិនដល់ ទាំងម្តាយ និងកូន។
អាហារសម្បូរជាតិស្ករ
អ្នកត្រូវដឹងថា ការទទួលទានអាហារប្រភេទនេះ ច្រើនពេកអាចនាំឲ្យមានហានិភ័យនៃជំងឺទឹកនោមផ្អែម ជាពិសេសអ្នកមានផ្ទៃពោះតែម្តង។ ប្រសិនបើអ្នកកើតជំងឺទឹកនោមផ្អែមអំឡុងពេលនេះ អាចនាំហានិភ័យអាក្រក់ដល់កូនផងដែរ។
កាត់បន្ថយស្ត្រេស
ជំងឺស្ត្រេស គឺជាបញ្ហាដ៏ធំបំផុតសម្រាប់មនុស្សទូទៅ ហើយវាក៏អាចប៉ះពាល់ដល់សុខភាពម្តាយ និងទារកផងដែរ។ ហេតុនេះ ក្នុងអំឡុងពេលមានផ្ទៃពោះ អ្នកគួរតែព្យាយាមធ្វើរឿងសប្បាយៗ ដើម្បីជៀសផុតពីជំងឺនេះ។
ទទួលទានគ្រឿងស្រវឹង
ការទទួលទានគ្រឿងស្រវឹង គឺជាទម្លាប់អាក្រក់មួយដែឡអាចបង្កឲ្យមានផលប៉ះពាល់អាក្រក់ដល់សុខភាព ហើយអាចនាំឲ្យរលូតកូនថែមទៀត។
ឈប់ជក់បារី
ឈប់ធ្វើទម្លាប់មួយនេះទៀតទៅ វាអាចនាំឲ្យប៉ះពាល់ខ្លាំងចំពោះអ្នកម្តាយ និងការអភិវឌ្ឍសួតរបស់ទារក។ ដូច្នេះ ទាំងមុន និងក្នុងអំឡុងពេលមានផ្ទៃពោះ អ្នកគួរតែកុំជក់បារីឲ្យសោះ។
គេចឲ្យឆ្ងាយពីភេសជ្ជៈមានផ្ទុកជាតិកាហ្វេអ៊ីន
ការស្រាវជ្រាវជាច្រើនបានបង្ហាញថា ការទទួលទានភេសជ្ជៈដែលមានជាតិកាហ្វេអ៊ីន អាចបង្កើនហានិភ័យនៃបញ្ហាកើតមិនគ្រប់ខែ និងរលូតកូន។ អាស្រ័យហេតុនេះ រាល់ភេសជ្ជៈប៉ូវកម្លាំង អ្នកគួរតែជៀសវាង ទាំងមុនពេលមានផ្ទៃពោះ ៣ខែ និងពេលមានផ្ទៃពោះក្តី៕
