គ្មានអ្នកណាដឹងមុនថា ស្ត្រីមានផ្ទៃពោះជួបគ្រោះថ្នាក់កើតឡើងនៅពេលណានោះទេ លុះត្រាតែកើតមានបញ្ហាហើយទើបដឹងតាមក្រោយ។ ហេតុនេះហើយ ស្ត្រីមានផ្ទៃពោះទាំងឡាយត្រូវដឹងពីកត្តាមួយចំនួនដែលបង្កឲ្យមានគ្រោះថ្នាក់ ដូចខាងក្រោម៖
១.ភាពស្លេកស្លាំង
ភាពស្លេកស្លាំងនេះ បង្កឡើងដោយសារតែស្ត្រីទទួលទានអាហារូបត្ថម្ភមិនបានគ្រប់គ្រាន់ ដែលធ្វើរាងកាយពួកគេចេះតែអស់កម្លាំង។ ដូច្នេះ ដើម្បីគេចចេញពីគ្រោះថ្នាក់ អ្នកគួរតែប្រញាប់ទៅពិគ្រោះជាមួយគ្រូពេទ្យឲ្យបានត្រឹមត្រូវ។
២.ធ្លាក់ឈាម
ប្រសិនបើស្ត្រីមានផ្ទៃពោះធ្លាក់ឈាម ចាប់ពីខែដំបូង ដល់ ខែទី៥ ជាសញ្ញាមួយដែលព្រមានថា អ្នកកំពុងតែប្រឈមនឹងការរលូតកូន។
៣.ទារកខ្សោយចលនា
ក្នុងករណីដែលទារកក្នុងផ្ទៃខ្សោយចលនា ជាសញ្ញាដែលបង្ហាញពីទារកកំពុងតែមានសុខភាពទន់ខ្សោយ។ តែប្រសិនបើទារកគ្មានចលនាទាល់តែសោះ កាន់តែវីវរហើយ ព្រោះទារកអាចស្លាប់ក្នុងផ្ទៃទើបគ្មានចលនា។
៤.សញ្ញាផ្សេងៗ
ករណីមួយចំនួន ប្រសិនបើធ្លាក់ឈាមតិច ឬក៏ច្រើនតាមទ្វារមាស ការឈឺពោះខ្លាំង ក្អួតមិនឈប់ គ្រុនក្តៅខ្លាំង ជាពិសេសបែកទឹកភ្លោះមុនថ្ងៃសម្រាល អាចជាសញ្ញាគ្រោះថ្នាក់ដែលទាមទារឲ្យស្ត្រីមានផ្ទៃពោះ គួរពិគ្រោះយោបល់ជាមួយនឹងគ្រូពេទ្យឲ្យបានឆាប់៕
ហេតុអ្វីទារកក្នុងផ្ទៃចេះតែធាក់ពោះ? ដឹងការពិតហើយពិតជាគួរឲ្យចាប់អារម្មណ៍
អ្នកម្តាយទាំងឡាយធ្លាប់ឆ្ងល់ទេ ហេតុអ្វីបានជាទារកចេះតែធាក់ពោះ មិនថាពេលថ្ងៃ ឬពេលយប់? ចម្ងល់មួយនេះច្បាស់ជាមានអ្នកម្តាយជាច្រើនណាស់ដែលងឿលាក់ក្នុងចិត្ត ព្រោះមិនដឹងសួរអ្នកណា។ តាមពិតសកម្មភាពធ្លាក់របស់ទារកមិនមែនជារឿងអាក្រក់នោះទេ អ្វីដែលអ្នកគួរតែបារម្ភវិញនោះ គឺទារកមានសកម្មភាពតិច គ្មានសកម្មភាពអ្វីសោះ ព្រោះវាជាសញ្ញាបង្ហាញថា ទារកមានសុខភាពទន់ខ្សោយ ឬករណីមួយចំនួនអាចស្លាប់ក្នុងផ្ទៃ។
ដូច្នេះ អ្នកគួរតែសប្បាយចិត្តទៅ បើសិនកូនរបស់អ្នកមានកម្លាំងធ្លាក់ពោះខ្លាំងៗ ហើយខាងក្រោមនេះ គឺជាហេតុផលដែលអ្នកចង់ដឹង៖
១.ការធាក់របស់ទារក គឺជារឿងល្អនោះទេ ព្រោះនេះជាសកម្មភាពដែលចង់បង្ហាញថា កូនរបស់អ្នកកំពុងតែមានសុខភាពល្អ ហើយមានការលូតលាស់ធម្មតា។
២.កូនរបស់លោកអ្នកអាចមានការរើបំរាស់ ដើម្បីឆ្លើយតបទៅវិញភ្លាមៗ នៅពេលដែលពួកគេបានលឺសំលេងពីមជ្ឈដ្ឋានខាងក្រៅ។
៣.សូម្បីតែលំហូរឈាមបញ្ចូនទៅកាន់ទារកមានការកើនឡើង ក៏ធ្វើឲ្យពួកគេមានសកម្មភាពដែរ ជាពិសេសក្នុងអំឡុងពេលដែលអ្នកម្តាយគេងបែរចំហៀងទៅឆ្វេង។
៤.ក្រោយពេលការទទួលទានអាហាររួច ទារកអាចធាក់អ្នកម្តាយញឹកញាប់ ព្រោះពេលនេះពួកគេក៏កំពុងតែទទួលបានអាហារពីអ្នកម្តាយដូចគ្នា។
៥.ក្នុងអំឡុងពេល ៩ខែ ១០ថ្ងៃ ទារកចាប់ផ្តើមធាក់ពោះម្តាយ គឺនៅសប្តាហ៍ទី ៩ ហើយសកម្មភាពនេះកាន់តែខ្លាំងនៅពេលទារកលូតលាស់កាន់តែធំ។
