អ្នកណាៗក៏ចង់ឲ្យកូនរបស់ខ្លួនមានសុខភាពល្អ ហើយកើតមកមានសុវត្ថិភាពដែរ ប៉ុន្តែមានទម្លាប់មួយចំនួនរបស់អ្នកម្តាយអាចធ្វើឲ្យប៉ះពាល់ដល់សុខភាពធ្ងន់ធ្ងរដល់ទារកក្នុងផ្ទៃ។ ដូច្នេះហើយ អ្នកម្តាយគ្រប់រូបគួរតែចងចាំ ហើយជៀសវាងគ្រឿងសំអាងទាំងពីរប្រភេទនេះ ព្រោះវាមានផ្ទុកសារធាតុគីមីដែលបង្កគ្រោះថ្នាក់។
ក្រែមលាបមាត់
នេះជាផលិតផលដ៏ពេញនិយមខ្លាំងបំផុតសម្រាប់ស្ត្រីទាំងឡាយ ក៏ប៉ុន្តែស្ត្រីមានផ្ទៃពោះគួរតែជៀសវាង ព្រោះវាមានផ្ទុកសារធាតុគីមីជាច្រើនដែលអាចជ្រាបចូលក្នុងរាងកាយតារយៈស្បែក ឬការទទួលទានអាហារផ្សេង។ ប្រសិនស្ត្រីមានផ្ទៃពោះនៅតែប្រើប្រាស់ទៀត វានឹងបណ្តោលឲ្យប៉ះពាល់ដល់ការលូតសាល់ខួរក្បាលរបស់ទារក។
ថ្នាំលាបក្រចក
អ្នកត្រូវដឹងថា ថ្នាំលាបក្រចកត្រូវបានផ្សំឡើងពីសារធាតុគីមីមួយចំនួនដូចជា នីត្រាត គ្រីម៉ូឡូស និងជាតិពណ៌។ សារធាតុគីមីទាំងនេះអាចជ្រាបចូលទៅក្នុងរាងកាយតាមរយៈការចាប់កាន់អាហារទទួលទាន ហើយវានឹងចូលទៅក្នុងឈាមទារកតាមរយៈទងសុខ ដែលបណ្តោលឲ្យប៉ះពាល់ដល់សុខភាពទារក៕
លាបពណ៌សក់ និងផាត់មុខ កំលុងពេលមានផ្ទះពោះអាចប៉ះពាល់ដល់ទារកធ្ងន់ធ្ងរ
ការស្រាវជ្រាវជាច្រើនបានបង្ហាញថា ការប្រើប្រាស់ថ្នាំលាបពណ៌សក់ និងការតុបតែងមុខ ក្នុងអំឡុងពេលមានផ្ទៃពោះ អាចបណ្តោលឲ្យប៉ះពាល់ដល់ទារក នេះបើយោងតាមគេហទំព័រ thehealthsite ដែលបានចុះផ្សាយ។
ក្នុងអំឡុងពេលមានផ្ទៃពោះ ស្ត្រីគ្រប់រូបត្រូវមានការប្រុងប្រយ័ត្នឲ្យបានខ្លាំងបំផុតជាមួយនឹងការប្រើប្រាស់គ្រឿងសំអាង ដែលមានលក់នៅលើទីផ្សាយនានា ព្រោះវាមានផ្ទុកសារធាតុគីមីបង្កឲ្យគ្រោះថ្នាក់ទាំងម្តាយ និងទារកក្នុងផ្ទៃ។ ការប្រើប្រាស់ផលិតផលកែសម្ផស្សហួសប្រមាណ អាចបង្កឲ្យមានផលវិបាកដល់ការបង្កកំណើត ជាពិសេសថ្នាំលាបសក់តែម្តង។
ការស្រាវជ្រាវជាច្រើនបានបង្ហាញថា ការប្រើប្រាស់ថ្នាំលាបសក់ក្នុងអំឡុងពេលមានផ្ទៃពោះ និងបំបៅដោះ អាចបណ្តោលឲ្យកើតជំងឺមហារីកឈាមចំពោះកុមារដែលមានអាយុក្រោម ២ឆ្នាំ។ លើសពីនេះទៅទៀត ថ្នាំលាបសក់ក៏អាចបង្កឲ្យទារកមានបញ្ហាសរសៃប្រសាទផងដែរ នៅពេលដែលធំឡើង។
សរុបមកវិញការប្រើប្រាស់ថ្នាំលាបសក់ និងផលិតផលតុបតែងមុខ សុទ្ធតែមានផ្ទុកសារធាតុគីមី ដែលបង្កឲ្យមានផលប៉ះពាល់ដល់ទារកដូចគ្នា ក៏ប៉ុន្តែថ្នាំលាបសក់មានគ្រោះថ្នាក់ខ្លាំងជាង៕
