បើយោងតាមក្រុមអ្នកស្រាវជ្រាបានឲ្យដឹងថា ទារកដែលកើតចេញពីផ្ទៃម្តាយដែលមានជំងឺរលាកសន្លាក់រ៉ាំរ៉ៃអំឡុងពេលមានផ្ទៃពោះ ហាក់ដូចជាប្រឈមនឹងបញ្ហាមិនគ្រប់គីឡូ និងកើតមិនគ្រប់ខែ។
ជំងឺរលាកសន្លាក់រ៉ាំរ៉ៃ អាចប៉ះពាល់ដល់សន្លាក់របស់មនុស្ស ដែលបណ្តោលឲ្យមានការឈឺចាប់ ដើរមិនរួចប៉ះពាល់ដល់សរីរាង្គខាងក្នុងផងដែរ។ ខណៈពេលដែលជំងឺនេះច្រើនកើតមាននៅលើមនុស្សវ័យចំណាស់ ក៏ប៉ុន្តចំពោះមនុស្សវ័យក្មេង វ័យជំទង និងកុមារ ក៏មានអត្រាខ្ពស់គួរឲ្យកត់សម្គាល់ផងដែរ។ មិនតែប៉ុណ្ណោះក្នុងចំណោមមនុស្សទាំងពីរភេទ ស្ត្រី គឺទទួលរងនូវជំងឺនេះខ្លាំងជាងគេ។
ការស្រាវជ្រាវបានចង្អុលបង្ហាញថា ទារកដែលកើតចេញពីស្ត្រីដែលមានជំងឺរលាកសន្លាក់រ៉ាំរ៉ៃ ត្រូវមានការផ្សារភ្ជាប់ជាមួយនឹងការកើនឡើងនៃឱកាសសម្រាលកូនមិនគ្រប់ខែ និងមិនគ្រប់គីឡូ។
ដូច្នេះហើយ នៅពេលមានជំងឺរលាកសន្លាក់មុនពេលមានផ្ទៃពោះ ស្ត្រីពុំគិតបណ្តែតបណ្តោយឡើយ ត្រូវប្រញាប់ព្យាបាលជាបន្ទាន់ដើម្បីជៀសផុតពីហានិភ័យផ្សេងៗទៅថ្ងៃក្រោយ៕
