ផ្លែឈើ៤ប្រភេទ អ្នកមាន​ផ្ទៃពោះ​គួរតែ​ទទួលទាន​រាល់ថ្ងៃ ដើម្បី​ប៉ូវ​កូន​ក្នុង​ផ្ទៃ

0

គ្រាន់​ចាប់ផ្តើម​បង្ក​រកំណើត​ភ្លាម ទារក​ត្រូវការ​សារធាតុចិញ្ចឹម​ជា​ចាំបាច់ ដើម្បី​ជំរុញ​ដល់​ការលូតលាស់ និង​មាន​សុខភាព​ល្អ។ អាហារ​ដែល​សម្បូរ​ទៅដោយ​សារធាតុចិញ្ចឹម ក្រៅពី​សាច់ និង​បន្លែ តើ​នៅមាន​ផ្លែឈើ​អ្វី​ខ្លះទៀត​ទៅ ដែល​អាច​ប៉ូវ​ឲ្យ​ទារ​កមាន​សុខភាព​ល្អ និង​ខួរក្បាល​ឆ្លាត​វៃ?

ខាងក្រោម​នេះ គឺជា​ផ្លែឈើ​មួយចំនួន​ដែល​អ្នកមាន​ផ្ទៃពោះ​គួរតែ​ទទួលទាន​ជាប្រចាំ៖

 

 

ផ្លែ​ប៉ោម

ការ​ញ៉ាំ​ផ្លែ​ប៉ោម មិន​ត្រឹមតែ​អាចជួយ​រក្សា​ទម្ងន់​របស់​អ្នក​ម្តាយ ឲ្យ​មាន​ស្ថិរភាព​ប៉ុណ្ណោះ​ទេ វា​ក៏​អាចជួយ​ឲ្យ​ខួរក្បាល​ទារក​វិ​វត្ត​បានល្អ​ផងដែរ។ មិនតែប៉ុណ្ណោះ សារធាតុ​ដែក​របស់​វា អាចជួយ​ការពារ​ម្តាយ និង​ទារក មិន​ឲ្យ​មាន​ជំងឺ​ស្លេកស្លាំង (ខ្វះ​ឈាមក្រហម)។

 

 

ផ្លែ​ទំពាំងបាយជូរ

អ្នកណា​ក៏​ចូលចិត្ត​ផ្លែ​ទំពាំងបាយជូរ​ដែរ ក៏ប៉ុន្តែ​អ្នកដឹង​ទេ ហេតុអ្វី​ស្ត្រី​មាន​ផ្ទៃពោះ​គួរ​ញ៉ាំ​ឲ្យ​បាន​ទៀងទាត់? ដោយសារតែ​ទំពាំងបាយជូរ មាន​សមត្ថភាព​អាច​ការពារ​បញ្ហា​ទល់​លាម អា​ការៈឈឺ​ក្បាល និង​ជួយ​គ្រប់គ្រង​សម្ពាធ​ឈាម របស់​អ្នក​ម្តាយ។ នៅពេលដែល​សម្ពាធ​ឈាម​អ្នក​ម្តាយ​មាន​ស្ថិរភាព ទារក​នឹង​ជៀស​ផុតពី​បញ្ហាផ្សេងៗ ហើយ​ការទទួល​សារធាតុចិញ្ចឹម​ពី​អ្នក​ម្តាយ​ក៏បាន​ត្រឹមត្រូវ​ល្អ។

Image result for ទំពាំងបាយជូ

 

 

ផ្លែ​ស្ត្រ​ប៊ឺ​រី

មនុស្ស​មួយចំនួន​ប្រហែលជា​មិនទាន់​ដឹង​ទេ​ថា ផ្លែ​ស្ត្រ​ប៊ឺ​រី អាច​ផ្តល់​ជាតិ​ទឹក​ដល់​រាងកាយ​បាន​គ្រប់គ្រាន់ ដូច្នេះ​ស្បែក​របស់​អ្នក​ម្តាយ​នឹងមាន​ភាពស្រស់ថ្លា។ ក្រៅពី​ផ្តល់​ប្រយោជន៍​ដល់​អ្នក​ម្តាយ ផ្លែ​ស្ត្រ​ប៊ឺ​រី​អាចជួយ​ឲ្យ​បេះដូង របស់​ទារក​នៅក្នុង​ផ្ទៃ មានការ​លូតលាស់​បាន​ល្អ។

 

 

ផ្លែក្រូច

ស្ត្រី​មាន​ផ្ទៃពោះ​អាច​ទទួលទាន​ក្រូច ឬ​ទឹកក្រូចស្រស់ៗ ជាប្រចាំ ព្រោះ​វីតាមីន C និង​សារធាតុចិញ្ចឹមផ្សេងៗទៀត​របស់​វា អាចជួយ​ពង្រឹង​ប្រព័ន្ធ​ភាពស៊ាំ ទាំង​ម្តាយ និង​កូន ឲ្យ​មាន​ភាពរឹងមាំ។ ហេតុនេះ ស្ត្រី​មាន​ផ្ទៃពោះ​ទាំងឡាយ មិនចាំបាច់​ព្រួ​បារម្ភ​ថា កូន​ក្នុង​ផ្ទៃ​គ្មាន​សុវត្ថិភាព​នោះឡើយ៕