អ្នកជំនាញទាំងអស់បានផ្តល់អនុសាសន៍ឲ្យស្ត្រីទាំងឡាយសម្រាលកូនដោយធម្មជាតិ ព្រោះវាមិនសូវមានផលប៉ះពាល់ លុះត្រាតែកាលៈទេសៈមិនអាចទៅរួចទើបបង្ខំចិត្តជ្រើសយកវិធីវះកាត់។ ទោះជាយ៉ាងណាបន្ទាប់ពីសម្រាលតាមវិធីធម្មជាតិ មានរឿងមួយដែលស្ត្រីស្ទើរតែ ១០០ភាគរយ មានការព្រួយបារម្ភ នោះគឺ ភាពធូរលុងរបស់ទារមាស។
តើក្រោយពេលសម្រាលកូនហើយ ទ្វារមាសរបស់ស្ត្រីអាចវិលមករកភាពដើមវិញបានទេ?
អំឡុងពេលសម្រាល ទ្វារមាសត្រូវធ្វើការពង្រីកមាឌ បើកចំហផ្លូវឲ្យធំដើម្បីងាយស្រួលរុញច្រានទារកចេញមកក្រៅ។ ជាទូទៅនៅពេលសម្រាលកូន ទ្វារមាសរបស់ស្ត្រីអាចលាតសន្ធឹងរហូតដល់ទៅ ៥សង់ទីម៉ែត្រឯណោះ។
ហេតុនេះ នៅពេលទ្វារមាសរីកមាឌ វាអាចបណ្តោលឲ្យធូរលុង តែមួយរយៈពេលក្រោយមកវានឹងបង្រួមមកវិញ គ្រាន់តែយូរ និងឆាប់ប៉ុណ្ណោះ។ ភាពធូរលុងនៃទ្វារមាសនេះ មិនប៉ះពាល់ដល់សុខភាពអ្នកម្តាយនោះទេ ប៉ុន្តែអ្វីដែលគួរឲ្យបារម្ភ គឺទំនាក់ទំនងជាមួយស្វាមី អាចមានបញ្ហាបន្តិច។
មានស្ត្រីមួយចំនួន បានត្អូនត្អែថា ក្រោយពេលសម្រាលកូនរួចម្តងហើយ ដៃគូររបស់ពួកគេមិនសូវពេញចិត្ត នឹងការរួមភេទជាមួយពួកគេនោះឡើយ ព្រោះទ្វារមាសមិនតឹងណែនដូចកាលពីមុន។
អ្នកជំនាញបានបង្ហាញថា ទោះបីជាស្ត្រីសម្រាលកូនដោយធម្មជាតិបាត់បង់ភាពតឹងណែននៃទ្វារមាសក៏ដោយ ប៉ុន្តែមិនមែនបាត់បង់ជារៀងរហូតនោះទេ វានឹងត្រលប់មកវិញ។ ម្យ៉ាងវិញទៀត អ្នកជំនាញបានផ្តល់អនុវសាស្ត្រ ឲ្យស្ត្រីព្យាយាមធ្វើលំហាត់ប្រាណទ្វារមាស ដើម្បីឲ្យឆាប់មានភាពតឹងណែនឡើងវិញ។
វិធីធ្វើលំហាត់ប្រាណទ្វារមាស
១.អ្នកត្រីខ្ជិបទ្វារមាស ៥វិនាទិ រួចបន្ធូរតិចរយៈពេល៥នាទីវិញ។
២.អ្នកត្រូវអនុវត្តខ្ជិប បន្ធូរ នេះឲ្យបាន ៥ដង សម្រាក១៥នាទីសិន ទើបធ្វើម្តងទៀត។
៣.មួយថ្ងៃ បើអ្នកអនុវត្តបាន ៣ដង សាច់ដុំទ្វារមាសនឹងឆាប់តឹងណែនឡើងវិញ៕
