ពិតមែនហើយ នៅពេលមានផ្ទៃពោះ ស្ត្រីត្រូវការអាហារដែលសម្បូរទៅដោយសារធាតុចិញ្ចឹមគ្រប់គ្រាន់ ដើម្បីបំពេញតម្រូវការជីវិតមនុស្សម្នាក់ទៀតកំពុងតែចាប់កំណើតនៅក្នុងផ្ទៃ។ ក៏ប៉ុន្តែ ស្ត្រីមានផ្ទៃពោះមិនគួរញ៉ាំអាហារតាមតែអំពើចិត្តនោះទេ ព្រោះមានអាហារមួយចំនួនអាចបណ្តោលឲ្យមានផលប៉ះពាល់ ជាពិសេសអំឡុងពេលត្រីមាសដំបូង។ តើអាហារអ្វីខ្លះទៅ ដែលអ្នកមានផ្ទៃពោះគួរតែជៀសវាង? ខាងក្រោមនេះ គឺជាចម្លើយដែលអ្នកចង់ដឹង៖
ប្រភេទអាហារត្រជាក់ៗ
ស្ត្រីមានផ្ទៃពោះមួយចំនួនចូលចិត្តញ៉ាំអាហារត្រជាក់ៗខ្លាំងណាស់ ដូចជា ភេសជ្ជៈក្លាសេ ការ៉េម ឬទឹកក តែម្តង។ កុំគិតថាការទទួលទានចូលទៅក្នុងពោះអាចធ្វើឲ្យអ្នកមានអារម្មណ៍ស្រួលឲ្យសោះ តាមពិតវាអាចបង្កឲ្យមានបញ្ហារលូតកូន ឬអាចធ្វើឲ្យកូនក្នុងផ្ទៃមានសភាពមិនប្រក្រតីនៅពេលកើតមក។ ហេតុនេះ អ្នកដែលចូលចិត្តអាហារត្រជាក់ៗ គួរកាត់បន្ថយ ឬផ្អាក អំឡុងពេលត្រីមាសដំបូង។
អាហារសម្បូរខ្លាញ់
អាហារសម្បូរខ្លាញ់ដូចជា អាហារដែលប្រើវិធីចម្អិនដោយចៀន ឬបំពង ត្រូវបានហាមឃាត់ចំពោះស្ត្រីមានផ្ទៃពោះ ដោយសារតែវាមានសារធាតុដែលបង្កទៅជាជំងឺមហារីក។ សារធាតុទាំងនេះមិនត្រឹមតែប៉ះពាល់ដល់អ្នកម្តាយផ្ទាល់នោះទេ វាក៏អាចប៉ះពាល់ពាល់ដល់កូនក្នុងផ្ទៃដែរ។
ថ្លើមសត្វគ្រប់ប្រភេទ
ថ្លើមសត្វ ត្រូវបានគេចាត់ទុកជាអាហារដ៏ល្អសម្រាប់រាងកាយ ហើយមានមន្សុស្រីមានផ្ទៃពោះជាច្រើនចូលចិត្តទទួលទានណាស់ ព្រោះយល់ថា វាពិតជាល្អសម្រាប់កូនក្នុងផ្ទៃ។ តើការយល់ឃើញនេះត្រឹមត្រូវដែរឬទេ? តាមពិតវាមិនដូចអ្វីដែលមនុស្សមួយចំនួនយល់ឃើញឡើយ ការទទួលទានថ្លើមសត្វច្រើនពេក អំឡុងពេលត្រីមាសដំបូង អាចបណ្តោលឲ្យសរីរាង្គទារកលូតលាស់មិនគ្រប់លក្ខណៈ។ ជាពិសេសថ្លើមជ្រូក ក្នុងករណីដែលស្ត្រីមានផ្ទៃពោះទទួលទានលើសកម្រិត ឈាមនឹងកើនឡើងកាន់តែច្រើន ហើយទៅបំផុតទារកក៏ប្រឈមនឹងការរលូតដែរ៕
_large.jpg?resize=696%2C639)
