សារធាតុរ៉ែ ដែលស្ត្រីមានផ្ទៃពោះ ឬកំពុងតែបំបៅដោះកូនត្រូវការជាប្រចាំថ្ងៃ គឺកាល់ស្យូម អាស៊ីតហ្វូលិក និងជាតិដែក។ ក៏ប៉ុន្តែ តើអ្នកដឹងទេថា វីតាមីន និងសារធារ៉ែទាំងនោះ គួរតែទទួលទានកម្រិតណាទើបល្អចំពោះអ្នកម្តាយ និងកូនក្នុងផ្ទៃ? ដូច្នេះ ដើម្បីដឹងច្បាស់ សូមស្វែងយល់ពីការបង្ហាញដូចខាងក្រោម៖
អាស៊ីតហ្វូលិក
សម្រាប់សារធាតុរ៉ែមួយនេះ អ្នកត្រូវទទួលទានចាប់ពី ៤០០ ទៅ ៨០០មីក្រូក្រាម រហូតដល់ចុងត្រីមាសចុងក្រោយ។ ចំពោះស្ត្រីដែលធ្លាប់មានបញ្ហាសរសៃប្រសាទ ត្រូវបានកម្រិតឲ្យទទួលទានត្រឹមតែ ៤០០មីក្រូក្រាមក្នុងមួយថ្ងៃប៉ុណ្ណោះ។
ជាតិដែក
ជាតិដែក គឺជាសារធាតុរ៉ែដែលមានសារៈសំខាន់ខ្លាំងបំផុតក្នុងការដោះស្រាយបញ្ហាខ្វះឈាម ឬភាពស្លេកស្លាំង។ ប្រសិនបើអ្នកបរិភោគបាន ៣០មីលីក្រាមក្នុងមួយថ្ងៃ មិនចាំបាច់ព្រួបារម្ភចំពោបញ្ហាខ្វះឈាម ឬភាពស្លេកស្លាំងនោះទេ។
កាល់ស្យូម
ស្ត្រីមានផ្ទៃពោះដែលទទួលទាន កាល់ស្យូម ១០០០មីលីក្រាម អាចជួយកាត់បន្ថយការប្រឈមនឹងជំងឺសម្ពាធឈាមអំឡុងពេលមានផ្ទៃពោះ។ ថ្នាំវីតាមីនចម្រុះបច្ចុប្បន្នភាគច្រើនមានផ្ទុកកាល់ស្យូមត្រឹមតែ ២០០ ទៅ ៣០០មីលីក្រាមប៉ុណ្ណោះ។
ក្រៅពីសារធាតុរ៉ែទាំងនេះ នៅមានវីតាមីនសំខាន់ៗជាច្រើនទៀត ដែលស្ត្រីមានផ្ទៃពោះខ្វះមិនបានឡើយ៕
