អ្នកម្តាយគ្រប់រូបត្រូវដឹងថា ក្នុងរយៈ៩ខែដែលទារកកាច់សំបុកនៅក្នុងផ្ទៃ ពួកគេមានការលូតលាស់ជារៀងរហូត គ្មានថ្ងៃសម្រាកឡើយ។ ដោយសារតែការលូតលាស់ឥតឈប់ឈរនេះហើយ ទើបអ្នកជំនាញបានធ្វើការព្រមានពីលក្ខខណ្ឌមួយចំនួនដែលស្ត្រីត្រូវជៀសវាងឲ្យបាន ព្រោះវាអាចប៉ះពាល់ដល់ការលូតលាស់របស់ពួកគេ។ តើលក្ខខណ្ឌអ្វីខ្លះទៅ ដែលធ្វើឲ្យប៉ះពាល់ដល់ការលូតលាស់របស់ទារក? ខាងក្រោមនេះ គឺជាម្លើយដែលអ្នកចង់ដឹង៖
អ្នកម្តាយជក់បារី និងផឹកស្រា
របស់ទាំងពីរយ៉ាងនេះសុទ្ធតែអាចបង្កឲ្យមានផលលំបាកដល់សុខភាពមនុស្សទូទៅ ចុះទំរាំតែទារកទើបនឹងវិវត្តទៀត តើគ្រោះថ្នាក់យ៉ាងណាទៅ? មិនថាផ្សែង ឬជាតិអាល់កុលនោះទេ នៅពេលស្រូបចូលទៅក្នុងខ្លួន វានឹងបញ្ចូនទៅកាន់ទារកតាមរយៈសុក ដោយផ្ទាល់ ដែលបង្កហានិភ័យផ្សេងៗមើលមិនឃើញឡើយ។ ដូច្នេះ ដំឡុងពេលមានផ្ទៃពោះ និងបំបៅដោះកូន អ្នកត្រូវព្យាយាមគេចចេញឲ្យឆ្ងាយពីរបស់ទាំងនេះ។
ទទួលសារធាតុចិញ្ចឹមមិនគ្រប់គ្រាន់
រឿងមួយនេះពិតជាចាំបាច់ខ្លាំងណស់សម្រាប់ទារក ព្រោះពួកគេត្រូវការលូតលាស់ មិនថាសរីរាង្គខាងក្នុង ឬខាងក្រៅឡើយ។ ក្នុងករណីដែលស្ត្រីមិនបានបំពេញសារធាតុចិញ្ចឹមគ្រប់គ្រាន់ទេ ទារកអាចកើតមកមានភាពស្លេកស្លាំង ឬមានបញ្ហាមិនប្រក្រតីណាមួយ។
មានសំលេងរំខានខ្លាំង
ឈានដល់ខែទី៦នៃការមានផ្ទៃពោះ ទារកអាចស្តាប់ឮសំលេងពីមជ្ឈដ្ឋានខាងក្រៅហើយ ហើយពួកក៏មានប្រតិកម្មជាមួយនឹងសំលេងទាំងនោះដែរ។ ប្រសិនបើអ្នកធ្វើអ្វីដែលមានសំលេងឮខ្លាំងៗ អាចរំខានដល់សេចក្តីសុខរបស់ពួកគេក្នុងការសម្រាក ហើយការលូតលាស់ក៏ទទួលរងនូវផលប៉ះពាល់ដូចគ្នា។
ថ្នាំ
ស្ត្រីមានផ្ទៃពោះ ងាយជួបប្រទេះនឹងបញ្ហាឈឺចុកចាប់សន្លាក់ដៃជើង ឈឺចង្កេះ ឈឺក្បាល ចាញ់ ឬគ្រុនផ្តាសាយខ្លាំងណាស់។ នេះជាហេតុផលដែលស្ត្រីមានផ្ទៃពោះ រត់រកថ្នាំដើម្បីប្រឆាំងនឹងជំងឺទាំងអស់នេះ។ ប៉ុន្តែ អ្នកមានផ្ទៃពោះត្រូវចាំថា ថ្នាំមិនល្អសម្រាប់ទារកក្នុងផ្ទៃឡើយ ព្រោះវាអាចធ្វើឲ្យរាងកាយទន់ខ្សោយ ហើយអាចមានអវយៈមិនពេញល្ខខណ្ឌៈ ដូច្នេះបើគ្មានវេជ្ជបញ្ជារត្រឹមត្រូវទេ កុំទទួលទានផ្តេសផ្តាស់ឲ្យសោះ។
មានសម្ពាធផ្លូវអាមរ្មណ៍
កុំថាឡើយមនុស្សធំ សូម្បីតែទារកដែលមានអាយុ ៧ខែឡើងទៅ ក៏ចេះសប្បាយ និងកើតទុក្ខ ដែរ។ ណាមួយនេះជាពេលដែលទារកចាប់ផ្តើមទទួលអារម្មណ៍ពីអ្នកម្តាយ ដូច្នេះប្រសិនបើអ្នកម្តាយ មានបញ្ហាស្ត្រេសរាល់រាល់ ទារកក៏កើតស្ត្រេសដូចគ្នា ហើយពួកគេនឹងជួបបញ្ហាលូតលាស់៕
