ការបន្ថែមបរិមាណជាតិដែកគ្រប់គ្រាន់នៅក្នុងរបបអាហារស្ត្រីមានផ្ទៃពោះ ពិតជាមានសារៈសំខាន់ខ្លាំងណាស់ ពីព្រោះវាដើរតួនាទីយ៉ាងសំខាន់ក្នុងការវិវត្តខួរក្បាលទារក ការពារភាពស្លេកស្លាំងទាំងម្តាយ និងកូន។ នៅពេលអ្នកម្តាយទទួលទានជាតិដែកមិនបានគ្រប់គ្រាន់ទេ ទារកកើតមក អាចមានទម្ងន់ស្រាល និងមានផលលំបាកដល់សុខភាពផ្សេងៗទៀត។
ហេតុនេះ អ្នកម្តាយគួរតែព្យាយាមទទួលទានអាហារ ដែលមានផ្ទុកជាតិដែកឲ្យបានច្រើន ដូចជា៖ ស្លឹកបន្លែពណ៌បៃតង ផ្តាខាត់ណាពណ៌ខៀវ អង្ករពណ៌ត្នោត និងផ្លែឈើស្ងួត។
ក្នុងករណីភាគច្រើន ស្ត្រីមិនអាចទទួលបានជាតិដែកពីរបបអាហារគ្រប់គ្រាន់ឡើយ ដូច្នេះ ក្រុមគ្រូពេទ្យតែងតែផ្តល់ថ្នាំគ្រាប់ជាតិដែកឲ្យលេបជាប្រចាំ ជាពិសេសអំឡុងពេលត្រីមាសដំបូង៕
