ដោយសារតែអាណិត និងស្រឡាញ់ឪពុកម្តាយភាគច្រើន តែងតែចង់ថ្នាក់ថ្នមដោយកាយវិកាឱប ឬក៏ថើបញឹកញាប់ជាទីបំផុត។ ក៏ប៉ុន្តែ អ្នកជំនាញបានធ្វើការព្រមានថា ទង្វើបែបនេះមិនល្អចំពោះទារកទើបនឹងកើតនោះទេ។
ការស្រាវជ្រាវមួយទៅលើទារកចំនួន ១២៥នាក់ ដែលធ្វើឡើងដោយមន្ទើរពេទ្យ Nationwide Children ក្នុងរដ្ឋ អូហៃយ៉ូ សហរដ្ឋអាមេរិកបានរកឃើញថា ការឱប ថើប ញឹកញាប់អាចបង្កគ្រោះថ្នាក់ ដោយសារតែប្រព័ន្ធភាពរបស់ទារកទើបនឹងកើត មានភាពទន់ខ្សោយ ងាយនឹងឆ្លងជំងឺផ្សេង។ ជាពិសេសមិត្តភក្តិ ឬបងប្អូន របស់អ្នកដែលមានជំងឺឆ្លង គឺងាយនឹងចម្លងមកកាន់ទារកយ៉ាងឆាប់បំផុត។
អាស្រ័យហេតុនេះ អ្នកជំនាញបានផ្តល់អនុសាសន៍ ឲ្យអ្នកគួរតែកាត់បន្ថយការឱប ឬថើបទារកក្រោមអាយុ៣ខែ ឬត្រូវធ្វើអនាម័យខ្លួនប្រាណជាមុនសិនមុននឹងចាប់ផ្តើមប៉ះពាល់ទារក ដើម្បីកាត់បន្ថយហានិភ័យផ្សេង៕
