អាហារ​សមុទ្រ៣ប្រភេទ ជួយ​ឲ្យ​ឆ្អឹង​ស្ត្រី​មានគភ៌​រឹងមាំ

0

ឆ្អឹង​របស់​មនុស្ស​គ្រប់រូប ពឹងផ្អែក​ទៅលើ​ជាតិ​កាល់ស្យូម​ចាំបាច់ ទើប​មាន​ភាពរឹងមាំ​បានល្អ មិន​ថា​ក្មេង ចាស់ ឬ​មនុស្ស​ស្រី​មានគភ៌​ឡើយ។ ស្ត្រី​មានគភ៌​គួរ​ដឹងថា ក្នុង​មួយថ្ងៃ​រាងកាយ​របស់ខ្លួន​ត្រូវការ​សារធាតុ​រ៉ែ​មួយ​នេះ​ចំនួន ១២០០មី​លី​ក្រាម ទើប​គ្រប់គ្រាន់​ក្នុងការ​ថែរក្សា​ឆ្អឹង និង​ផ្គត់​ផ្គង​គ្រោងឆ្អឹង​ទារក​ឲ្យ​មានការ​លូតលាស់​បានល្អ។ ដូច្នេះ ដើម្បី​ទទួលបាន​ឆ្អឹង​រឹងមាំ ស្ត្រី​មានគភ៌​គួរតែ​ព្យាយាម​ទទួលទាន​អាហារ​សមុទ្រ៣ប្រភេទ​នេះ។

 

 

អយ​ស្ទ័​រ

អយ​ស្ទ័​រ គឺ​អាហារ​អាហារ​ដែលមានរ​ស​ជាតិ​ឆ្ងាញ់ ជាពិសេស​មនុស្ស​ប្រុស​ចូលចិត្ត​ទទួលទាន​ទាំង​ឆៅ​ព្រោះ​វា​ប៉ូវ​កម្លាំង។ ក្រៅពី​ប៉ូវ​កម្លាំង​ជួយ​ឲ្យ​បុរស​មាន​សមត្ថភាព​ផ្លូវភេទ អ័​រ​ស្ទ័​រ​មាន​ផ្ទុក​ជាតិ​ដែក ប៉ូ​តា​ស្យូ​ម ស៊ី​លី​ស្យូ​ម និង​កាល់ស្យូម​ដែល​អាចជួយ​ឲ្យ​ស្ត្រី​មានគភ៌ មាន​ឆ្អឹង​រឹងមាំ។ តែ​ទោះជា​យ៉ាងណា​ស្ត្រី​មានគភ៌​ពុំគួរ​ទទួលទាន​ទាំង​ឆៅ​នោះទេ ព្រោះ​វា​អា​ចប​ណ្តោ​ល​ឲ្យ​មាន​បញ្ហាផ្សេងៗ ដូច្នេះ​មុននឹង​ទទួលទាន​អ្នក​ត្រូវ​ចម្អិន​ឲ្យ​បាន​ឆ្អិន​ល្អ។

Related image

 

 

ក្តាម

ក្តាម​សមុទ្រ គឺជា​អាហារ​ដ៏​ពេញនិយម​បំផុត​សម្រាប់​មនុស្ស​ទូទៅ ក៏ប៉ុន្តែ​វា​ត្រូវបាន​គេ​រកឃើញថា​មាន​ផ្ទុក​សារធាតុសំខាន់ៗជាច្រើន​ដែល​អាចជួយ​ឲ្យ​អ្នក​ម្តាយ និង​គភ៌​មាន​សុខភាព​ល្អ។ ជាពិសេស​ម៉ាញ៉េ​ស្យូ​ម កាល់ស្យូម និង​អូ​មេ​ហ្គា ៣ អាចជួយ​ការពារ​បញ្ហា​សរសៃឈាម​បេះដូង​សម្រាប់​អ្នក​ម្តាយ​ផងដែរ។

ទោះជា​យ៉ាងណា​អ្នក​ត្រូវ​ចាំ​ថា មុននឹង​ទទួលទាន​សូម​ធ្វើការ​ចម្អិន​ឲ្យ​បាន​ឆ្អិន​ល្អ ហើយ​កុំ​ទទួលទាន​ច្រើនពេក​ក្នុងពេល​តែមួយ។

Image result for ក្តាមសមុទ្រ

 

 

បង្គា

អ្នកណា​មិន​ចូលចិត្ត​បង្គា​ជ្រលក់​ទឹកត្រី​កោះកុង​នោះ គ្រាន់តែ​ឮ​ក៏​ស្រក់ទឹកមាត់​ដែរ។ ជាពិសេស​បង្គាស្រស់ៗ សម្បូរ​ទៅដោយ​សារធាតុ​កាល់ស្យូម​ច្រើន​លើសលប់ ដែល​អាចជួយ​ឲ្យ​អ្នក​ម្តាយ​មាន​ឆ្អឹង​រឹងមាំ។ ក្នុង​បង្គា​ទម្ងន់១ខាំ មាន​ផ្ទុក​កាល់ស្យូម​រហូតដល់​ទៅ ៨៨២មី​លី​ក្រាម តែ​មុននឹង​ទទួលទាន​សូម​ធ្វើការ​ចម្អិន​ឲ្យ​បាន​ឆ្អិន​ល្អ ហេតុនេះ​ស្ត្រី​មានគភ៌​គួរ​ទទួលទាន​ឲ្យ​បាន​ញឹកញាប់៕

Related image