ទន្ទឹមនឹងវិវត្តរយៈពេល ៩ខែពេញ នៃគភ៌ក្នុងផ្ទៃ អ្នកម្តាយទាំងឡាយគួរតែប្រុងប្រយ័ត្នចំពោះរឿងមួយចំនួនផងដែរ ព្រោះវាអាចបណ្តោលឲ្យប៉ះពាល់ដល់ការលូតលាស់នៃគភ៌ ឬពេលកើតមកមិនគ្រប់លក្ខណៈក៏មានដែរ។ ដូច្នេះ អ្នកម្តាយគួរតែជៀសវាង រឿងទាំង ៥ចំណុចនេះឲ្យបាន ពេលកំពុងពពោះ។
១.ថ្នាំពេទ្យ
ទន្ទឹមនឹងគភ៌វិវត្តលេចជារូបរាង អ្នកម្តាយភាគច្រើនក៏ចាប់ផ្តើមកើតមានអាការចាញ់ដូចគ្នា។ ដើម្បីបំបាត់អាការចាញ់ អ្នកម្តាយមួយចំនួនអាចនឹងប្រើប្រាស់ថ្នាំបំបាត់ការឈឺចាប់ ប៉ុន្តែការលេបថ្នាំដោយគ្មានវេជ្ជបញ្ជាអាចគ្រោះថ្នាក់ដល់គភ៌បាន។ ដូច្នេះ បើអ្នកមិនចង់ឲ្យកូនកើតមកមានរាងកាយទន់ខ្សោយ ឬមិនគ្រប់លក្ខណៈទេនោះ កុំប្រើថ្នាំតាមចិត្តឯងឲ្យសោះ។
២.ស្រា និងបារី
ស្រា និងបារី មិនមែនជារបស់ល្អសម្រាប់សុខភាព ម្តាយ និងគភ៌ក្នុងផ្ទៃនោះទេ។ ជាពិសេសបើអ្នកប្រព្រឹត្តអំឡុងពេល មានគភ៌ អាចធ្វើឲ្យបេះដូងទារកលោតញាប់ខុសធម្មតា មានបញ្ហាខួរក្បាល និងបង្កឲ្យខូចខាតសរីរាង្គមួយចំនួនទៀត នៅពេលកើតមក។
៣.សំលេង
ដើម្បីអភិវឌ្ឍរាងកាយ និងខួរក្បាលបានល្អ គភ៌ត្រូវការភាពស្ងប់ស្ងាត់ ប៉ុន្តែបើបរិស្ថានជុំវិញខ្លួនអ្នកមានសំលេងរំខានឮខ្លាំងៗរាល់ថ្ងៃវិញនោះ ការអភិវឌ្ឍរបស់គភ៌នឹងមានបញ្ហា។
៤.ខ្វះសារធាតុចិញ្ចឹម
នៅពេលចាប់ផ្តើមបង្កកំណើតភ្លាម គភ៌ ត្រូវការសារធាតុចញ្ចឹមគ្រប់គ្រាន់ ដើម្បីជួយជំរុញឲ្យរាងកាយ និងខួរក្បាល មានការលូតលាស់បានល្អ។ ដូច្នេះ អំឡុងពេលនេះ អ្នកម្តាយទាំងឡាយ ត្រូការទទួលទានអាហារឲ្យច្រើនជាងមុន ប្រមាណជាង ៣០០កាឡូរីក្នុងមួយថ្ងៃទើបគ្រប់គ្រាន់។
៥.អ្នកម្តាយពិបាកចិត្តច្រើន
ទន្ទឹមនឹងសប្បាយចិត្តនៅពេលដែលជិតឃើញមុខកូន អ្នកម្តាយក៏មានចិត្តខ្វល់ខ្វាយជាច្រើនផងដែរ ព្រោះខ្លាចកូនក្នុងផ្ទៃមានសុខភាពមិនល្អ។ ជាពិសេស នៅពេលជិតកើតតែម្តង គឺមានភាពភ័យខ្លាចខ្លួនឯងឆ្លងមិនផុតពីដំណាក់កាលមួយនេះ។ ហេតុដូច្នេះ ដើម្បីបំបាត់ទុក្ខកង្វល់ក្នុងចិត្ត អ្នកគួរតែប្រឹក្សាជាមួយគ្រូពេទ្យ ដើម្បីឲ្យមានអារម្មណ៍ធូរស្រាលឡើងវិញ៕
អ្វីដែលស្ត្រីមានផ្ទៃពោះគួរធ្វើ ដើម្បីការពារកុំឲ្យទារកកើតមកពិការភាពពីកំណើត
គ្មានស្ត្រីរូបណាចង់ឃើញកូនកើតមកពិការភាពពីកំណើតនោះទេ ក៏ប៉ុន្តែដើម្បីការពារហានិភ័យមួយនេះ តើអ្នកត្រូវធ្វើដូចម្តេច? ក្នុងអំឡុងពេលមានផ្ទៃពោះពីខែទី១ដល់ទៅ៩ ទារកអាចជួបពិការភាពគ្រប់ពេលវេលា ហើយជំងឺមួយនេះអាចបង្កឲ្យទារកកើតមកបាត់បង់សរីរាង្គណាមួយដូចជា ឆែបមាត់ ឆែបច្រមុះ អត់មានភ្នែក ឬខ្វេដៃជើងជាដើម។ ទោះជាយ៉ាងណាអ្នកអាចដឹងច្បាស់នៅពេលទារកលូតលាស់ពេញលេញ តាមរយៈការអេកូសាស្ត្រ។
