តើអ្នកជឿទេ កូនក្នុងផ្ទៃអាចចង់ចាំទង្វើមួយចំនួនដែលអ្នកម្តាយបានធ្វើជារៀងរាល់ថ្ងៃ? ជការពិតណាស់ ទារកក្នុងផ្ទៃអាចស្តាប់ឮសំលេងពីមជ្ឈដ្ឋានខាងក្រៅ និងទម្លាប់មួយចំនួនរបស់អ្នកម្តាយ តារយៈផ្លូវអារម្មណ៍។ ហេតុនេះប្រសិនបើអ្នកម្តាយមិនព្រមផ្លាស់ប្តូរទម្លាប់អាក្រក់ទាំងនេះទេ កូនកើតមកច្បាស់ជាកាត់ចរិកដូចមិនខាន។
ឆេឆាវ
នេះជាទម្លាប់អាក្រក់មួយដែលស្ត្រីភាគច្រើនតែងតែមានអំឡុងពេលមានផ្ទៃពោះ តែពួកគេប្រហែលជាមិនដឹងថាអារម្មណ៍មួម៉ៅ ឬឆេឆាវ អាចប៉ះពាល់ដល់កូនក្នុងផ្ទៃឡើយ។ ហេតុនេះ ដើម្បីកុំឲ្យកូនកើតមកមានចរិកអាក្រក់មួយនេះដូចអ្នក ចូរព្យាយាមធ្វើចិត្តឲ្យរីករាយឲ្យបានច្រើន អំឡុងពេលមានផ្ទៃពោះ។
ភាពខ្ជិលច្រអូស
ចាស់ៗភាគច្រើនតែងតែដាស់តឿនឲ្យស្ត្រីមានផ្ទៃពោះក្រោកពៅព្រលឹម កុំគេងទ្រមកខ្លាំងពេក តើមកពីមូលហេតុអ្វីទៅ? តាមពិតអ្នកវិទ្យសាស្ត្របានរកឃើញថា ទម្លាប់ខ្ជិលច្រអូសបែបែនេះអាចធ្វើឲ្យកូនកាត់រក ពេលពួកគេកើតមក។ ដូច្នេះក្រៅពីព្យាយាមក្រោកពីព្រឹក អ្នកគួរតែឧស្សាហ៍ធ្វើការងារផ្ទះស្រាលៗមួយចំនួនផងដែរ ដើម្បីឲ្យកូនឧស្សាហ៍ដូចអ្នកដែរ។
រើសម្ហូប
ហេតុអ្វីបានជាទារកមួយចំនួនមិនចង់ទទួលទានអាហារ នៅពេលឪពុកម្តាយបញ្ចុក? នេះក៏ដោយសារតែនៅពេលមានផ្ទៃពោះអ្នកម្តាយរើសម្ហូបពេក ដូច្នេះកូនរបស់ពួកគេក៏មិនសូវចូលចិត្តទទួលទានអាហារដូចគ្នាដែរ។ ម្យ៉ាងវិញទៀត អ្នកត្រូវចាំថា ការទទួលទានអាហារតិចពេករាងកាយមិនអាចស្រូបយកសារធាតុចិញ្ចឹមបានគ្រប់គ្រាន់ឡើយ ហើយវានឹងប៉ះពាល់ដល់ការលូតលាស់បរស់ទារក។
គេងមិនលក់
ការគេងមិនលក់គឺជាជំងឺមួយដែលកើតឡើងចំពោះស្ត្រីមានផ្ទៃពោះមួយចំនួន ហើយវាអាចបង្កឲ្យមានបញ្ហាផ្សេងៗទាំងម្តាយ និងកូនបាន។ ប្រសិនបើអ្នកមិនអាចបំបាត់ជំងឺនេះបានទេ វានឹងចម្លងមកលើកូននៅពេលកើតមក ហើយកូនរបស់អ្នកមានសុខភាពរឹងមាំឡើយ៕
រឿងដែលស្ត្រីមិនគួរធ្វើក្រោយពេលមានផ្ទៃពោះ ៣ខែ
តើអ្នកមានផ្ទៃពោះប៉ុន្មាខែហើយ? ការមានផ្ទៃពោះកំឡុង៣ខែដំបូងពិតជាមានសារសំខាន់ខ្លាំងណាស់ ព្រោះវាជាដំណាក់កាលដំបូងដែលទារកកំពុងតែអភិវឌ្ឍសរីរង្គផ្សេងៗ។
ក្រោយឆ្លងកាត់ការមានផ្ទៃពោះត្រីមាសដំបូងមិនមែនមាន័យថា អ្នកឆ្លងផុតឧបសគ្គទាំងអស់នោះទេ គឺនៅមានរឿងជាច្រើនទៀតដែលស្ត្រីត្រូវជួបប្រទះ។ ក៏ប៉ុន្តែបន្ទាប់ពីឆ្លងផុតការមានផ្ទៃពោះ ៣ខែដំបូង អ្នកត្រូវជៀសវាងរឿងមួយចំនួនទៀត ដើម្បីការពារកុំឲ្យមានគ្រោះថ្នាក់ដល់កូន។
-រាល់របស់ធ្ងន់ៗកុំលើកឲ្យសោះ គឺត្រូវទុកឲ្យស្វាមីរបស់អ្នកធ្វើជំនួសវិញ
-អាហារហិរ ត្រូវតែជៀសវាង ព្រោះទារកក៏ចេះហិរដូចអ្នកដែល
-កាត់បន្ថយការទទួលទានកាហ្វេ ត្រឹមតែ ១ពែងក្នុងមួយថ្ងៃបានហើយ
-ហាមដាច់ខាតគ្រឿងស្រវឹង ដោយសារតែវាអាចប៉ះពាល់ដល់សុខភាពទារកធ្ងន់ធ្ងរ
-កុំស្លៀកសម្លៀកបំពាក់តឹងណែន ជាពិសេសខោខូប៉ូយ
-បំភ្លេចស្បែកជើងកែងចោលចោលសិនទៅ ហើយគួរតែជំនួសស្បែកជើងដែលមានបាតរាបស្មើវិញ
-ជៀសវាងគិតរឿងពិបាកចិត្ត ដែលនាំឲ្យកើតជំងឺស្ត្រេស ធ្វើឲ្យប៉ះពាល់ដល់សុខភាពទារកក្នុងផ្ទៃ
ត្រូវចាំថា បន្ទាប់ពីមានផ្ទៃពោះ៣ខែ ពោះរបស់អ្នកនឹងរីកធំបន្តិចម្តងៗ ហើយរាល់សកម្មភាពផ្សេងៗក៏ងាយនឹងមានផលប៉ះពាល់ដែរ ដូច្នេះត្រូវតែមានការប្រុងប្រយ័ត្នបន្តិច៕
