ស្វាមសង្វារ គឺជាបញ្ហាដ៏ធំមួយដែលស្ត្រីមានផ្ទៃពោះភាគច្រើនតែងតែកើតមាន ជាពិសេសស្ត្រីដែលមានកូនថ្លោះជ្រុលពេលមានផ្ទៃពោះ ធាត់ពេក ឬមានកូនភ្លោះ។ នេះដោយសារតែស្បែកត្រូវបានលាតសន្ធឹងខ្លាំង ខណៈដែលពោះកាន់តែរីកធំ ហើយក្រោយពេលសម្រាលកូនហើយវាមិនអាចត្រលប់មកភាពដើមវិញបានទេ។
នៅពេលមានផ្ទៃពោះអ្នកមិនអាចប្រើផលិតផលអ្វីផ្តេសផ្តាស់នោះទេ សូម្បីតែការប្រើកាំរស្មីឡាសែ ព្រោះវាអាចនាំឲ្យមានផលប៉ះពាល់ដល់សុខភាពទាំងម្តាយ និងកូន។
ទោះជាយ៉ាងណាក៏ដោយ អ្នកអាចការពារបញ្ហាស្នាមសង្វារបាន ដោយប្រើប្រាស់ឱសថធម្មជាតិតែមួយមុខប៉ុណ្ណោះ។ ប្រេងដូង ត្រូវបានគេរកឃើញថា មានសមត្ថភាពពិសេសបំផុតក្នុងការជួយបង្កើនភាពបត់បែននៃស្បែក និងផ្តល់សំណើមដល់ស្បែកគ្រប់ពេលវេលា ដើម្បីទប់ទល់ជាមួយនឹងស្នាមសង្វារ។ ខាងក្រោមនេះ គឺជារបៀបអនុវត្ត៖
ជំហ៊ានទី១៖ អ្នកត្រូវយកប្រេងដូងលាបនៅលើស្បែក ហើយធ្វើការម៉ាស្សាថ្នមៗ ដើម្បីឲ្យជាតិសំណើមស្រូបចូលក្នុងស្រទាប់នៃស្បែក។
ជំហ៊ានទី២៖ ក្នុងមួយថ្ងៃ អ្នកត្រូវព្យាយាមអនុវត្តឲ្យបាន ២ទៅ៣ដង។
ក្នុងករណីដែលអ្នកមិនបានប្រេងដូងទេ អាចប្រើប្រាស់ប្រេងអូលីវជំនួសក៏បានដែរ ព្រោះវាក៏អាចជួយផ្តល់សំណើមដល់ស្បែកដូចគ្នា៕
