ជាធម្មតាទៅហើយ នៅពេលយើងធ្វើដំណើរទៅកន្លែងឆ្ងាយៗ ហើយគ្មានផ្ទះបងប្អូនសម្រាប់ស្នាក់អាស្រ័យនោះ ច្បាស់ជារត់រកផ្ទះសំណាក់ ឬសណ្ឋាគារជាពុំខាន។ ប៉ុន្តែពេលចូលដល់ផ្ទះសំណាក់ ឬសណ្ឋាគារ អ្នកមិនគួរប្រើប្រាស់របស់របរមួយចំនួនដែលគេត្រៀមទុកឲ្យភ្ញៀវប្រើនោះទេ ជាពិសេសស្ត្រីមានផ្ទៃពោះអាចនាំរោគចូលខ្លួន នឹកស្មានមិនដល់។
ថ្នាំដុសធ្មេញ
អ្នកធ្លាក់ដេកផ្ទះសំណាក់ច្បាស់ជាឃើញហើយ រាល់ថ្នាំដុសធ្មេញដែលគេដាក់នៅក្នុងបន្ទប់ទឹក គ្មានម៉ាកសម្គាល់ គ្មានថ្ងៃបរិច្ឆេទបញ្ជាក់ពីការផុតកំណត់ ហើយយើងក៏មិនដឹងពីគុណភាពរបស់វាដែរ។ ដូច្នេះ ប្រសិនបើអ្នកប្រើប៉ះចំរបស់ខូចគុណភាព អាចនាំគ្រោះថ្នាក់ជាមិនខាន។
កន្សែងជូតខ្លួន
ជឿទៅ ផ្ទះសំណាក់ល្មមភាគច្រើនមិនបានបោកគត់កន្សែងឲ្យបានត្រឹមត្រូវនោះទេ បន្ទាប់ពីភ្ញៀវប្រើរួចម្តងហើយ ជាពិសេសបើពុំឃើញមានប្រលាក់អ្វីច្បាស់ជាបត់ទុកឲ្យភ្ញៀវក្រោយប្រើម្តងទៀត។ ហេតុនេះ អ្នកមិនគួរប្រើកន្សែងនៅក្នុងផ្ទះសំណាក់ទេ ព្រោះវាអាចធ្វើឲ្យអ្នកងាយនឹងឆ្លងមេរោគសើរស្បែក ដូចជា មុន ស្រែង ភ្លឺក ញ្ជ្រិល… ជាដើម។
កំសៀវដាំទឹក
គ្រប់គ្នាតែងតែយល់ថា របស់កខ្វក់ជាងគេនៅក្នុងផ្ទះសំណាក់ ឬសណ្ឋាគារ គឺបន្ទប់ទឹក ប៉ុន្តែការពិតគឺកំសៀវដាំទឹក សោះ។ មានភ្ញៀវអសីលធម៌មួយចំនួន អាចយកកំសៀវដាំទឹកទៅស្ងារអាហារ បោះកន្ទុយបារីចូល ហើយប៉ះចំផ្ទះសណ្ឋាគារខ្លះមិនតម្រូវឲ្យបុកលិគ្គធ្វើការលាងសម្អាតទៀងទាត់នោះទេ។ យកល្អកុំប្រើកំសៀវដាំទឹក ឲ្យសោះពេលចូលសណ្ឋាគារ ព្រោះវាជាប្រភពមេរោគដែលអាចគ្រោះថ្នាក់ដល់រាងកាយខ្លាំងបំផុត។
ក្រោយពីដឹងពិតវត្ថុកខ្វក់ទាំងនេះហើយ អ្នកច្បាស់ជាមិនហ៊ានប្រើទៀតទេ នៅពេលចូលសណ្ឋាគារ ឬផ្ទះសំណាក់លើកក្រោយ៕
គួរបញ្ចាក់ផងដែលថាការសាងសុខភាពឱ្យល្អចំពោះអ្នកម្តាយនិងធ្វើទារកក្នុងផ្ទៃមានសុខភាពល្អដូចគ្នា បើអ្នកម្តាយទន់ខ្សោយ ឬសុខភាពមិនល្អនោះកូនក្នុងផ្ទៃក៏សុខភាពមិនល្អដូចគ្នា។
