ក្នុងអំឡុងពេលមានផ្ទៃពោះ ស្ត្រីត្រូវការអាហារូបត្ថម្ភជាច្រើន ដើម្បីពង្រឹងដល់សុខភាពខ្លួនឯង និងជំរុញដល់ការលូតលាស់កូនក្នុងផ្ទៃផងដែរ។ ប៉ុន្តែ តើអ្នកដឹងទេអាហារប្រភេទណាខ្លះ ដែលស្ត្រីមានផ្ទៃពោះពុំគួរមើលរំលង? បើចង់ដឹងច្បាស់ babayandmom នឹងបង្ហាញជូនដូចខាងក្រោម៖
ប្រូតេអ៊ីនមានខ្លាញ់តិច
ប្រូតេអ៊ីនដែលមានខ្លាញ់តិច អាចជួយឲ្យកូនរបស់អ្នកលូតលាស់បានល្អ ជាពិសេសនៅត្រីមានសទី២ និងទី។ ប្រូតេអ៊ីនទាំងនេះ មាននៅក្នុងសាច់មាន់ ស៊ុត ត្រី… ក៏ប៉ុន្តែសូមកុំភ្លេចអាហារដែលមានផ្ទុកវីតាមីន B ព្រមទាំងជាតិដែកផងដែរ។
បន្លែ និងផ្លែឈើ
បន្លែ និងផ្លែឈើ គឺជាអាហារដែលល្អបំផុតសម្រាប់ស្ត្រីមានផ្ទៃពោះ ព្រោះវាសម្បូរទៅដោយវីតាមីន សារធាតុរ៉ែ ព្រមទាំងជាតិសរសៃ។ បន្លែ និងផ្លែឈើដែលអ្នកគួរតែញ៉ាំរួមមាន ការ៉ុត ផ្លែចេក ផ្លែក្រូច ខាត់ណាផ្តា ដំឡូងបារាំង ប៉េងប៉ោះ ស្ពៃក្តោប និងបន្លែពណ៌បៃតងជាដើម។
គ្រាប់ធញ្ញជាតិ
ពពួកគ្រាប់ធញ្ញជាតិដូចជា ស្រូវសាឡី ល្ង អង្ករសំរូប ពោត ដំឡូងជ្វា សណ្តែកខៀវ… អាចជួយផ្តល់ជាតិសរសៃ ជាតិដែក វីតាមីន B និងសារធាតុរ៉ែផ្សេងៗទៀត។ មិនតែប៉ុណ្ណោះ វាអាចជួយបំពេញ និងរក្សាថាមពលរបស់ស្ត្រីមានផ្ទៃពោះពេញមួយថ្ងៃ៕
