គូស្នេហ៍ភាគច្រើនមិនហ៊ានធ្វើការរួមភេទនៅពេលពពោះនោះទេ ព្រោះខ្លាចប៉ះពាល់ដល់ទារកក្នុងផ្ទៃ។ តើការរួមភេទនៅពេលនេះពិតជាមានគ្រោះថ្នាក់មែនឬទេ? តាមពិតវាគ្មានបញ្ហាអ្វីនោះឡើយ បើគូស្នេហ៍អនុវត្តបានត្រឹមត្រូវ។ តែករណីមួយចំនួន ការប្រព្រឹត្តិសកម្មភាពរួមភេទអាចបណ្តោលឲ្យរលូតកូនបាន ហើយអាចស្លាប់ទាំងម្តាយថែមទៀត ព្រោះពួកគេមិនបានស្តាប់តាមអនុសាសន៍របស់អ្នកជំនាញ។
ដូច្នេះ អ្នកជំនាញបានផ្តល់ដំបូលន្មានថា ប្រសិនបើគូស្នេហ៍គ្រប់រូបអាចជៀសវាង ៤ចំណុចនេះបាន ការរួមភេទក្នុងពេលមានផ្ទៃពោះមិនប៉ះពាល់នោះឡើយ។
ត្រីមាសដំបូងគួរផ្អាកការរួមភេទ
អ្នកជំនាញបានណែនាំ ឲ្យគូស្នេហ៍ទាំងឡាយផ្អាករួមភេទនៅក្នុងអំឡុងត្រីមាសដំបូង ព្រោះវាជាពេលវេលាដ៏សំខាន់ដែលទារកកំពុងអភិវឌ្ឍ។ អំឡុងពេលនេះ ប្រសិនបើអ្នកធ្វើការរួមភេទដោយប្រើសកម្មភាពខ្លាំង អាចបង្កឲ្យរបូតទងសុកបាន។
ខែចុងក្រោយក៏គួរតែផ្អាកការរួមភេទដែរ
លោកវេជ្ជបណ្ឌិតជាច្រើនបានបង្ហាញថា ការធ្វើសកម្មភាពរួមភេទនៅខែចុងក្រោយ ជារឿងគ្រោះថ្នាក់ដូចការរួមភេទនៅត្រីមាសទី១ដែរ។ ហេតុនេះគួរស្នេហ៍គួរតែអត់ទ្រាំចំពោះការរួមភេទបណ្តោះអាសន្នសិនទៅ។ ពេលសុកពាំងមាត់ស្បូនហាមរួមភេទក្នុងករណីដែលសុកពាំងមាត់ស្បូន អ្នកមិនត្រូវប្រព្រឹត្តសកម្មភាពរួមភេទនោះឡើយ ព្រោះវាអាចបង្កឲ្យមានគ្រោះថ្នាក់ខ្លាំងដល់ទារក។
កុំឲ្យបុរសនៅពីលើ
វាមិនមែនជាទីតាំងដែលល្អសម្រាប់ការរួមភេទនៅពេលពពោះនោះទេ ព្រោះវាអាចប៉ះពាល់ខ្លាំងទៅលើពោះ។ អាស្រ័យហេតុនេះអ្នកគួរតែឲ្យមនុស្សស្រីនៅពីលើជំនួសវិញ ទើបអាចគ្រប់គ្រងដងស៊ីតេនៃសកម្មភាពបានល្អ ហើយមានសុវត្ថិភាពចំពោះទារក។
យកល្អគូស្នេហ៍ទាំងឡាយគួរតែអនុវត្តតាមអនុសាសន៍ទាំង៤ចំណុចខាងលើនេះ ដើម្បីការពារសុវត្ថិភាពទាំងម្តាយ និងកូនក្នុងផ្ទៃ៕
