ហេតុអ្វីស្ត្រីមានផ្ទៃពោះគួរជៀសវាងសាច់ឆៅ? បើយោងតាមការស្រាវជ្រាវថ្មីៗនេះបានបង្ហាញថា នៅក្នុងសាច់ឆៅមានផ្ទុកប៉ារ៉ាស៊ីតមួយប្រភេទដែលហៅថា Toxoplasma-Gondii វាអាចបង្កគ្រោះថ្នាក់ខ្លាំងបំផុតចំពោះស្ត្រីមានផ្ទៃពោះ ហើយយើងមិនអាចមើលនឹងភ្នែកទទេបាននោះទេ។
ប៉ារ៉ាស៊ីត Toxoplasma-Gondii គឺជាភាគល្អិតតូចៗដែលរស់នៅក្នុងកោសិការបស់មនុស្ស ហើយត្រូវបានគេប៉ាន់ប្រមាណថា មានមនុស្សពាក់កណ្តោលនៅទូទាំងពិភពលោក ដែលមានផ្ទុកប៉ារ៉ាស៊ីតប្រភេទនេះ។ ស្ត្រីដែលឆ្លងប៉ារ៉ាស៊ីតប្រភេទនេះ អាចបណ្តោលឲ្យរលូតកូន ទារកកើតមកពិការ និងកើតមិនគ្រប់ខែ។ ភាពការពិការសម្រាប់ទារក អាចធ្វើឲ្យខូរខាតខួរក្បាល និងខូចភ្នែក។
រោគសញ្ញានៃការឆ្លងមេរោគប្រភេទនេះរួមមាន គ្រុនក្តៅ ឈឺក្បាល មិនចង់បរិភោគអាហារ រឹងក ឈឺបំពង់ក កន្ទួល ឈឺក្នុងត្រចៀក និងឈឺចាប់ក្នុងពោះ…ជាដើម៕
